शम्भु चौधरी लहान २६ मंसिर । सिरहा लक्ष्मीपुर पतारी वडा २ पर्सा गाउँका ३१ वर्षिय राजाराम सहनी राम्रो माछा पालकको रुपमा चिनिन्छ । लहान नगरपालिका २२ मा ४ विघा जमिन लिजमा लिएर करिब २ वर्ष अगाडी देखि माछा पालन गर्न सुरु गरेका छन् ।
१२ कक्षा पढेका सहनी आफ्नो र्पुख्यौली पेशालाई अंगालेका छन् । ४ विघा जमिनमा १८ लाखको लागतमा ६ वटा पोखरी निर्माण गरेका छन् । २ वर्षको अवधिमा सहनीले ३९ क्वीन्टल ७ लाख ८० हजार बराबरको माछा बिक्री गरिसकेको बताए ।
लघुउधम कार्यक्रम अन्तर्गत माछा पालनमा होमिएका सहनी अहिलेसम्म ३ लाख ४५ हजार मात्र भेटेनरी कार्यालयबाट अनुदान पाएको बताए । कति कार्यालयमा अनुदानको लागि चहारे कतै पनि अनुदान पाए अझ पोखरी विस्तार गरी व्यावसाय बढाउने सहनीले बताए ।
विभिन्न संघ संस्था तथा स्थानिय निकायमा माछा पालन सम्वन्धि पाकेज आए ता पनि अहिलेसम्म कुनै स्थानिय तहबाट अनुदान नपाएको दुखेसो पोखे । कतैबाट अनुदान पाए अझ पोखरी विस्तार गरी व्यावसाय बढाउने सहनीको अपेक्षा रहेको छ ।
वास्तवमा यस्ता मिहनेती र जुझारु व्यवसायीकलाई नेपाल सरकारका स्थानिय तह तथा कार्यरत संघ संस्थाले अलिकति पनि सहयोग गरिदियो भने असता माछा व्यवसायी बन्न सकिन्छ । सहनी अझ पनि व्यवसायसका लागि कतैबाट अनुदान आउछ की भनेर पर्खाइमा बसेका छन् ।
