साल्टट्रेडिङ लहानका कर्मचारी र सहकारीको मिलेमतोमा किसानको खेत बाँझै

लहान सम्वादाता २५ मंसिर । मंसिर मसान्त सकिनै लाग्दा पनि मधेश प्रदेश लगायत अन्य ठाउँका किसानहरुले गेहुँ छर्न पाइएका छैन । यसले गर्दा सिराहाका किसान यतिबेला चिन्तितसँगै दुःखी देखिएको छ।

यता, साल्ट ट्रेडिङ कर्पोरेशन लिमिटेड लहानमा कर्मचारी र सहकारी मिलेर मलखाद्य गुपचुप गर्नमा लागेको देखिन्छ । केही समय उता, करिब १० दिन पहिले भर्खरै जनमत पार्टीबाट निर्वाचित भएका प्रदेश सांसद संजय यादवको टोलीले साल्ट ट्रेडिङ कर्पोरेसन लिमिटेडको अफिस कार्यालय लहानमा अनुगमन गर्दा त्यहाँ कर्मचारीहरुले निकै लापरबाही गरि रहेको देखियो । जस्तो कि सुचना लुकाउने , सुचना पार्टीमा सुचना नराख्नु, गोदाममा मल राख्ने किसानलाई नदिने , कार्यालय प्रमुख जितेन्द्र कुमार साह अनेकन बहानामा हप्तौंहप्ता गायव रहने जस्ता अनेकन बेतिथि देखिएको थियोे ।

कृषि सामग्री कम्पनी लिमिटेड लहानका प्रमुख दिपक पौड्याल पनि कसैभन्दा कम छैन । वहाँ पनि दिनभर गेहुँ , मलको चलखेलमा उतिकै बर्चस्व राख्ने गर्दछन। मल छैन जानुस् सहकारीमा लिनुस हामीले बितरण गरि सकियो , हामी दिन मिल्दैन जस्ता प्रतिक्रिया दिने गरेको किसानहरू सुनाउँछन्

यो सँगै किसानले गेहुँ बिउँ र मलको अभाव खेपिरहदा किसानलाई साहाराको कुनै बाटो देखिएको छैन, सबै निकाय मौन देखिएछन ।

साल्ट ट्रेडिङ कार्यालयका एक कर्मचारीका अनुसार डिएपी मल हामी दिदैनौं, त्यसको सट्टामा एसएसपी मल आएको छ , त्यो सहकारीलाई स्थानीयतह पालिकाको सिफारिसमा दिन्छौं । युरिया छ , तर प्रत्यक्ष किसानलाई दिदैनौं। ८१७ पर्ने अहिले युरिया अहिले १५०० मा कुनैकुनै सहकारीले बेच्ने गरेका छन।
सिराहामा कालोबजारी बढेकै छ। सेटिङ , मिलेमतो भएकै छ। तर, निकायको मौनता र मिलेमतो कायमै छ।