शम्भु चौधरी २५ मंसिर । राजधानी शहर काठमाण्डौको गौशाला बत्तिसपुतली स्थित रहेको देवान कन्सलटेन्टस् पा. लि. मेनपावरले ठगी गरेर वैदेशिक रोजगारीको लागि मलेसिया पठाएका नेपाली कामदारहरु फस्न थालेका छन ।
मेनपावरले पैसाको चलखेलमा नक्कली कागजात तयार गरेर वैदेशिक रोजगारका लागि विभिन्न देशमा पठाए पनि भने जस्तो काम नपाएको तथा मेडिकल रिपोर्ट फेल हुने गरेका कारणले केयौ नेपाली युवाहरु वैदेशिक रोजगारका क्रममा अलपत्र पर्न थालेका छन । मेनपावरका माहिर खेम सरको नामले चर्चित व्यक्तिले विभिन्न मेडिकलहरुसंग सहकार्य गरेर नक्कली रिपोर्ट बनाएर ३ लाख रकमसम्म युवाहरुवाट असुल्ने र भ्रममा पारेर विभिन्न देशहरुमा पठाउने गरेको तथ्य बाहिरिएको छ ।
मध्य मलेसियाको नादिभुमि भन्ने ठाउँमा यस मेनपावरका सम्पर्गमा रहेका मलेसिया स्थित कार्यालयमा आम नेपाली दाजुभाइलाई ल्याएर थुपार्ने गरेको रहस्य खुलेको हो । लाखौं रकम खर्चेर वैदेशिक रोजगारीका लागी मलेसिया पुगेका मध्य करिब १४ जना उद्दारको पर्खाइमा भएपनि नेपाल स्थित मेनपावरले सुनुवाई नगरेको श्रोतले जनाएको छ ।
