शम्भु प्रसाद चौधरी लहान १८ कार्तिक । सिरहाको धनगडीमाई न पा को समन्ब्यमा, केयर नेपालको सहयोगमा कृषि ब्यबसाय पाठशाला सञ्चालन सम्बन्धी किसान स्वयम सेवक क्षमता बिकास तालिम राष्ट्रिय कृषक समुह महासंघ नेपालको आयोजनामा शुरु भएको छ ।
कार्यक्रममा प्रमुख अतिथि नगर प्रमुख शिवशंकर महतो विशिष्ठ अतिथि उपप्रमुख संगिता कुमारी चौधरी अतिथि रा. कृषक स. म. उपाध्यक्ष अमिर लाल यादव लगायतका सहभागीहरुको उपस्थितिमा कार्यक्रम सञ्चालन भएको थियो । एक घर एक प्राबिधिक बनाई कृषि पेशालाई मर्यादित बनाउन, ज्ञानशिपको अभावमा किसानहरुले मापदण्ड बिपरित प्रयोग गरेको रासायनिक बिषादीको नकारात्मक असरलाई कम गर्न गरिरहेको प्रयास एकदमै सराहनिय भएको वक्ताहरुले बताएका छन् ।
जमीनबाट मित्रजीबको नाश भई शत्रुजीबको बिगबिगी धेरै बढेको अवस्थामा जल, जंगल, जमीन बिशाक्त भएको कारण वातावरण समेत बिग्रीरहेको अवस्थालाई मध्यनजर गर्दै महासंघले ल्यएको कार्यक्रम प्रती सबैको ध्यान जान जरुरी देखिएकोछ ।
कृषक पाठशाला कार्यक्रम हरेक स्थानिय निकायले समूह र सहकारी मार्फत मात्रै सन्चालन गर्न सक्यो भने देशमा कृषि क्षेत्रमा कायापलट हुने निश्चित छ अमिरलाल यादवले बताए ।
