शम्भु प्रसाद चौधरी लहान १० कार्तिक । सिराहा र धनुषा जिल्लाको सिमानामा अवस्थित कमला नदीको पुल भासिएपछि आवत जावतमा कठिनाई उत्पन्न भएको अवस्था रहेको पाईन्छ । पुलबाट वारी पारी गर्नका लागि अत्यन्त कठिन यात्राको सामना गरिरहनु परेको छ ।
सिराहा सदरमुकामदेखि करिब 2 किलोमीटरको दूरीमा रहेको यस पुलबाट सिराहा धनुषा जिल्लाको बिभिन्न ठाउँहरूमा छिटो पुग्न सकिन्छ । झ्ण्डै १० वर्षमा निर्माण भएर सञ्चालन नहुँदै भासिएको सिराहा धनुषा जोडिने हुलाकी सडक खण्डको कमला पुलबाट तराई मधेशको लाइफ लाइन भनेर मुद्दा भजाउँदै आम जनताले भोट दिएर सत्ता र शक्तिमा गएकाहरू फेरि यही पुलकाे नारा देखाएर अनेकन बहाना बनाउन थालेका छन् ।
विजय भएर संसदमा गएर एक शब्द पनि नबोल्ने , लापरबाही गर्ने ठेकेदार ,प्राविधिक कर्मचारी लाई कारबाही गर्ने हैसियत नभएका नेता भनाउँदाहरुको अदुरदर्शिताका कारणले गर्दा कमला नदीको पुल ओझेलमा परेको छ । पुल भासिएपछि बासको भर्याङको प्रयोगले आम मानिसहरू कठिन यात्रा गरिरहेका छन् भने उक्त पुल प्रति सरकार निरिह दर्शक बन्दा स्थानीयमा चिन्ता बढेको पाईन्छ ।
