शम्भु प्रसाद चौधरी लहान २३ असोज । सरकारले घोषणा गरेको प्रतिनिधि सभा र प्रदेश सभा सदस्य निर्वाचनको पूर्व सन्ध्यामा नेकपा एमाले पार्टी सिरहाका जल्दो बल्दो यूवा नेतृत्वका अग्रणी भूमिका निर्वाह गर्दै आएका जीबछ यादव ( उदासी) ले पार्टीकाे साधारण सदस्य समेत नरहने गरी उनले पार्टीबाट राजीनामा दिएका हुन् ।
पत्रकारिता जगतका समेत चर्चित व्यक्ति उदासी लामो समयदेखि अन्ध भक्त भएर एमाले पार्टीमा योगदान गर्दै आएका थिए । पार्टीले हैकम बादी चरित्र र पार्टीमा योगदानको मुल्यांकन गर्दै नगरी एमाले पार्टी निकट जिल्ला नेतृत्व तहका राम औतार यादव र लिला नाथ श्रेष्ठको एकल निर्णयको कारण नेता तथा कार्यकर्ताको मनोबल गिराएर पार्टीमा नव आगन्तुकलाई टिकट दिने निर्णय भए पछि सिराहा जिल्लाको एमाले पार्टी भित्र विवाद सिर्जना भएको हो । उदासीले आफ्ना फेसबुक पेज मार्फत् भनेका छन् ” म नेकपा एमालेको साधारण सदस्य समेत नरहनेगरी पार्टी परित्याग गरेर स्वतन्त्र भएको छु ।
जसपा एमाले गठबन्धन आफूलाई मन नपरेको गरीव र दलितहरुको उपयोग मात्रै गरेको प्रदेशसभाको उमेदवार हुन प्रदेश अध्यक्ष राम औतार यादवले डेढ करोड जम्मा गर्नुपर्ने ठुलै नेताहरुमा सामन्तवादी चरित्र र कम्युनिष्टको कुनै आचरण नरहेको पुँजीपतिहरुको संरक्षण मात्रै गरिरहेको व्यवहार देखेर आजित भइ नेकपा एमाले परित्याग गरेको छु । एमालेमा रहँदा सहयोगसाथ दिनु भएका सम्पूर्ण मित्रहरुप्रति सदा सुमधुर सम्बन्ध रहिरहने छ ।” यसरी उनले पार्टी परित्याग गर्दै स्वतन्त्र भएको जानकारी दिनु भएको छ ।
