बिकास निमार्णको रकम फ्रिज हुदाँ दुई पक्ष बिच गाउँमा कुटकुटा

गौरीशंकर जयसवाल ,परासी १ असोज । पश्चिम नवलपरासीको रामग्राम नगरपालिका १७ मा स्थानीय जग्गाधनी र उपभोक्ता समिति बिच सड्क निर्माणका बिषयमा बिवाद हुदा रकम फिज भएको छ । रामग्राम १७ पिपरहियामा स्थानीय पूर्वाधार बिकास साझेदार कार्यक्रमको बिनीयोजित रकम १४ लाख ८६ हजार मध्ये ६ लाख रकम विबदका कारण फिज भएको उपभोक्ता समितिका अध्यक्ष जय नारायण धवलले बताएका छन । विबाद भए पछि गन्डक नहर देखि बिष्णु मार्ग आसीसी बाटो निर्माण अधुरो भएको छ ।आर्थिक वर्ष ०७६÷०७७ को उक्त योजना ०७७ असाढ १५ मा सम्पन्न हुनु पर्नेमा सम्पन्न हुन नसके पछि अधुरो भएको हो । उपभोक्ता समितिले उक्त सड्क निर्माणमा नगर प्रमुख नरेन्द्र गुप्ताले स्थानीय रामानन्द कोईरी र शारदा देबि जैसवालको पक्ष लिए र बिबाद गराएको उपभोक्त समितिले लगाएको छ । उता स्थानीय रामानन्द कोईरी र शारदा देबि जैसवालले प्रदेश सभासद बैजनाथ जैसवाल र रामग्राम नगर पालिका १७ का बडा अध्यक्ष जित बहादुर गोसाईले उपभोक्ता समितिलाई उचालेर बिवाद गराएको बताएका छन । स्थानीय रामानन्द कोईरी र शारदा देबि जैसवाल पक्षले रामग्राम नगरपालिकाको कार्यालयमा २०७७ ÷१२÷७ मा भएको सहमति कार्यान्वयन हुनु पर्ने र टोला मार्ग,पूर्व सोइया मार्ग र डि मार्गको बिबाद एकै पटक समाधान गर्नु पर्ने कोईरी र जैसवाल अडान झन विबाद बढेको बताइएको छ । उनिहरुले अहिले निर्माण हुन लागेको सड्कमा आप्नो गाउँ ब्लकको जग्गा रहेको हुदा आफुहरुले टोला मार्ग,पूर्व सोइया मार्ग र डि मार्गको विबाद समाधान भए मात्र गन्डक नहर देखि बिष्णु मार्ग आसीसी बाटो निर्माणमा सहयोग गर्ने बताएका छन । उपभोक्ता समितिका पदाधिकारीले निर्माण हुन लागेको गन्डक नहर देखि बिष्णु मार्ग आसीसी बाटोको जग्गा सार्वजनिक भएको दाबि गरेका छन । दुबै पक्षको आ आप्नै दाबिका कारण ६ लाख रकम फ्रिज भएको छ भने सड्क अधुरो रहेको छ । सड्क निर्माणका बिषयमा बिबाद भएपछि रामग्राम नगरपालिकाको पिपरहियामा दिनहु दुई पक्षबिच कुटाकुट समेत हुने गरेको छ । प्रदेश सभासद बैजनाथ जैसवालको निर्देशनमा रामग्राम नगरपालिका १७ का वडा जित बहादुर गोसाई अध्यक्षको नेतृत्यमा उपभोक्ता समितिका पदाधिकारी लगायतले आफुहरुलाई कुटपिट गर्ने र आप्नो घरमा रहेका संरचना समेत भत्काएको आरोप अजय जैसवालले वताए ।