१५ फाल्गुन /अन्तराष्ट्रिय नाकाले परिचित रसुवागढी नाकाबाट सवारीसाधन आवतजावत बन्द भएपछि भन्सारमा शुन्य भएको छ । रसुवागढी नाकाबाट गत माघ १५ गते भित्र सामान बोकी नेपाल भित्रिएका सबै मालवाहक ट्रक तथा कन्टेनरको परिक्षण तथा भन्सार शुल्क असुल गर्ने काम माघभित्रै भएपछि फागुन १ गतेबाट केरुङबाट सामान आयात बन्द भएकोे हो ।
भन्सार राजश्व असुली शुन्यता छाएको र भन्सार हातापुरै खाली रहेको रसुवा भन्सार कार्यालय टिमुरेका प्रमुख भन्सार अधिकृत पुण्य विक्रम खड्काले बताए । दैनिक साढे दुई सय गाडी गुड्ने त्रिशुली धुन्चे, रसुवागढी क्षेत्रमा पछिल्लो समय गाडीको चाप खासै छैन ।
फाटफुट रुपमा स्थानीय व्यापारको रुपमा न्युन मानिसको आवतजावत भएको छ । पछिल्लो समय कोरोना भाइरसका कारण पनि रसुवागढी नाकामा मानिस लगाएत सवारीसाधन बन्द नै रहेको प्रमुख भन्सार अधिकृत खड्काले बताए । रसुवा जिल्लामा हालसम्म कोरोना भाइरस देखिएको छैन ।
