सिरहामा प्रहरी द्वारा ८ हजार ५ सय गाँजाको बिरुवा नष्ट

सिरहा २ कार्तिक । सिरहाको गोलबजार नगरपालिका-१० बाट सिरहा प्रहरी ले शनिबार करीब ८ हजार ५ सय गाँजाको बिरुवा फडानि गरी नष्ट गरेका छन।

विशेष सुराकीको आधारमा ईलाका प्रहरी कार्यालय गोलबजार सिरहा बाट ख टिएको गस्ती टोलि ले सिरहाको गोलबजार नगरपालिका -१० मा अबैध रूपमा गरिएको गाजाको खेती बाट करीब ८ हजार ५ सय गाँजा उखेलेर नष्ट गरेको जिल्ला प्रहरी कार्यालय सिरहाले बताएका छन।
जिल्ला प्रहरी कार्यालय सिरहाका प्रमुख प्रहरी उपरीक्षक (एसपी) चतुर्वेदीका अनुसार प्रहरीले पत्ता लगाएको गाँजा फडानी नसकिएसम्म जारी रहनेछ। गाँजा खेती, उत्पादन, खरिद बिक्री तथा ओसारपसार गर्नेलाई लागुऔषध नियन्त्रण ऐनअनुसार कारबाही गरिने प्रमुख प्रहरी उपरीक्षक (एसपी) चतुर्वेदीले बताएका छ्न।
नेपालमा एक किलो गाँजा १हजार देखि १५ हजार रुपैयाँ सम्ममा बिक्री हुने गरेको बताइन्छ भने भारतमा २० हजार प्रतिकिलो रुपैयाँमा बिक्री हुने गरे पाइन्छ।
नेपाली बजारभन्दा भारतीय बजारमा यसको माग बढी हुने र आम्दानी पनि धेरै हुने हुँदा सीमा क्षेत्रमा भारतीय गाँजा व्यापारीहरुले खेती गर्न स्थानीयहरुलाई अगाडि नै गाजा रोप्न रकम दिने गरेको बताइन्छ।