मनोज बनैता, लाहान । सिरहा वन डिभिजन कार्यालयका वन पाले ले लाहान स्थित खुट्टी खोलामा बालुवा चाल्दै गरेको गरिब मजदुर महिलाहरु माथि दुर्ववहार गरेको छ ।
सिरहा वन डिभिजन कार्यालय लाहानमा कार्यरत वन पाले तेजी लाल मण्डलले डिएफो को गाडी प्रयोग गरि रक्सीले मातिएको अवस्थामा ती मजदुरहरु सङ्ग दुर्ववहार गरेको सूचना प्राप्त भएको छ ।
वन कार्यालय का डिएफो सुभाष चन्द्र दासको गाडी प्रयोग गरि ती बन पाले ले मजदुरहरुको सामान खोसेका थिए । केही क्षणको नोकझोक पश्चात् लाहान प्रहरी घटना स्थलमा पुगेर माहौल शान्त गरेको थियो ।
डिएफो दासको अनुसार ती महिलाहरू प्रतिबन्धित ठाउँबाट बालुवा उत्खनन गर्न लागेपछी उनीहरूको बेल्चा खोसिएको थियो । दुर्ववहारको आरोपलाई उनले खन्डन गर्दै भने कि त्यस्तो आपत्तिजनक केही भएको थिएन ।
