राजेश राम १ असोज। सिरहाको मिर्चैया नगरपालिका ४ दलित वस्तिमा मुक्तिनाथ विकास बैंकले ४२ मुसहर घरपरिवारलाई राहत वितरण गरेको छ । राहतमा प्रति घर १० किलो चामल, १ किलो दाल, १ किलो नुन र १ थान झुल वितरण गरेको मुक्तिनाथ विकास बैंक मिर्चैया सिरहाकाका शाखा प्रबन्ध अरुण कुमार महतोले जानकारी दिनुभएको छ ।
दुई महिना अघि अविरल वर्षाको कारण परेको डुबानका कारण हालसम्म यो वस्ती माथि कसैको नजर पुगेको थिएन । वर्षाको पानी जमेर पुरै वस्ती दुर्गन्धित बनेको छ भने वस्तीमा प्रवेश गर्न पानीमै हेलिएर जानुपरेको बाध्यता रहेकोछ । फोहोरको कारण वस्तीका मानिहरु धमाधम बिरामी परिरहेका छन् । बिरामीकै कारण सोमबार सनोज सदाको ११ महिनाको छोरा किरण सदायको मृत्यू भएको छ । सदायको एक छोरी र एक छोरा मात्र थियो । जुन एक छोराको निधन भइसकेको छ ।
वस्तीमा पानी जमेर दुर्गन्धित भएको दुई महिना भइसक्यो तर सब्न्धित वडा र नगरपालिकाले अहिलेसम्म कुनै पनि चासो नदेखाएको माल्ती सदायले गुनासो गरेकी छिन ।
