सिरहामा बस दुर्घटना हुँदा दर्जनै घाईते

सिरहा भदौ २३ । सिरहामा बस दुर्घटना हुँदा दर्जनै घाईते भएका छन् । जिल्ला प्रहरी कार्यालय सिरहाले दिएको जानकारी अनुसार पूर्व पश्चिम राजमार्ग अन्तर्गत सिरहाको परयागपुर नजिकै यात्रुवाहक बस दुर्घटना हुँदा दर्जन बढी घाईते भएको जनाइएको छ । पूर्व पश्चिम राजमार्ग अन्तर्गत काँकभिट्टा देखि काठमान्डौंको लागि छुटेको ना ५ ख ५२३४ नम्बरको यात्रुबाहक बस अनियन्त्रित भएर दुर्घटना भएको प्रहरीले जनाएको छ ।

काठमान्डौंका लागि छुटेका शुभ बिहानी नामक बस दुर्घटनामा परेको छ । अहिले ईलाका प्रहरी कार्यालय मिर्चैया र कर्जन्हाबाट प्रहरी टोली खटेका छन् भने घाईतेहरुलाई उपचारको लागि स्थानीय अस्पतालमा लैजाने गरेको छ । दुर्घटनामा परी दुई जना गम्भिर घाईते भएको जिल्ला प्रहरी कार्यालय सिरहाले जनाएको छ । नाम खुल्न नसकेको दुवै जनाको टाउको र छातीमा गम्भिर चोट लागेको प्रारम्भिक जानकारी दिइएको छ ।
घाईते भएका करिब दुई दर्जन यात्रुहरुको स्थानीय स्तरको विभिन्न अस्पताल तथा क्लीनिकहरुमा उपचार भईरहेको प्रहरीले जनाएको छ ।