महेश सिंह महतो श्रावण २२ ,सिरहा । लटरम्म फलेको घिरौला , भिन्डी , करैला जस्ता तरकारी लहलहाउँदो छ । सप्तरीको सुरुङ्गा नगरपालिका वडा नं. ७ का किसानले मनै लोभ्याउने व्यावसायिक तरकारी खेती गरेका हुन् ।
सेभ द चिल्ड्रेनको सहयोग सवल नेपालको आयोजनामा समुउन्नती परियोजना अन्तर्गत राधाकृष्ण कृषक समुह स्रुङ्गा नगरपालिका वडा नं. ७ चकदहका लक्षित वर्ग समुदायका महिलाहरु व्यबसायीक तरकारी खेतिमा जुटेका छन । यस्तो दृश्य देखेर त्यहाँ पुग्ने जो कोही लोभिने गर्दछन् । समुहकी १८ जना सदस्यले डेढ बिग्हा जमिनमा व्यावसायिक तरकारी खेती गर्दै आएका छन् । तरकारी खेतीबाट भएको आम्दानीले उनीहरूको पारिवारीक जीवनस्तरमा सुधार भएको समुहकी अध्यक्ष राजबत्ती देबी कामैत बताउँछिन् ।
‘समुहका किसानहरु करिब डेढ बिग्हा खेती गर्दा मासिक रुपमा एक जना किसानले २० हजार सम्म आम्दानी गर्ने गरेको उनि बताउँछिन । दुई वर्षदेखि व्यावसायिक तरकारी खेती गर्दै आउनुभएकी समुहकी सचिब सचिन कुमारी चौधरी भन्छिन् यो कामबाट आफू निकै सन्तुष्ट रहेको बताउनुभयो । लहान , कदमाहा, कुशहा , लगायतका नजिकको बजार रहेका करणले बजारीकरणको खासै समस्या नभएका कारणले अरू कामभन्दा पनि घरपरिवार तरकारी खेतीमै सक्रिय भएको चौधरी बताउनुहुन्छ । समूह बनाएर अगाडि बढेपछि व्यावसायिक तरकारी खेतीमा सरकारी , गैरसरकारी सहयोग पनि पाउन थालेको समुहकी सदस्य जनकी चौधरीले जानकारी दिनुभयो । संस्थाबाट समय समयमा बीउबिजन, उपकरण, सिँचाइसुविधा लगायत प्राविधिक सहयोग भएको छ’, उहाँले भन्नुभयो ।
तरकारी खेतीबाट भएको आम्दानीले पारिवारिक खर्च धान्न सहज भएको उनिहरुको कथन रहेको छ । यसैबिच कार्यक्रमको स्थलगत अनुगमन गर्ने क्रममा सुरुङ्गा नगरपालिकाका नगरप्रमुख मुत्तिनाथ चौधरीले भने समुहलाई आगाडी बढाउन नगरपालिका सदैब सहयोग गर्ने प्रतिबद्धता जनाएको छ । सामुहिक रुपले गरेको तरकारी खेतीबाट लक्षित बर्ग परिबारको जिबनस्तरमा सुधार भएकोले आफु धेरै खुसी भएको प्रमुख चौधरीले बताए।
