रातमा बालिकाको शव जलाइरहेको अवस्थामा ७ जना प्रहरीको नियन्त्रणमा

जनकपुर सम्वादाता २४ आषाढ । धनुषाको सबैलामा एक बालिकालाई मध्यरातमा जलाइरहेको अवस्थामा आधा दर्जन भन्दा बढी व्यक्तिलाई प्रहरीले नियन्त्रणमा लिएको छ ।

सवैला नगरपालिका वडा नम्बर– १ मा मध्यरातमा बालिका जलाइरहेको अवस्थामा ७ जनालाई प्रहरीले पक्राउ गरेको हो ।

सोमबार मध्यरातमा घरभन्दा २ किलोमिटर टाढा सडक छेउमा उनको शव जलाइरहँदा प्रहरीले देखेपछि त्यहाँ उपस्थित सबैलाई नियन्त्रणमा लिएको थियो । शव जलाउने क्रममा प्रहरीको गाडी आइरहेको दखेपछि सबैको भागाभाग भएको थियो ।

त्यसपछि प्रहरीले तुरुन्तै जलिरहेको शवलाई नियन्त्रणमा लिएको थियो भने बालिकाका बुवा शत्रुधन यादवलाई समेत नियन्त्रणमा लिएको थियो । शवको पोष्टपार्टमका लागि जनकपुर अञ्चल अस्पतालमा ल्याइएको प्रहरीले जनाएको छ ।

घटनामा पिंकीको हत्या वा आत्महत्याबारे अनुसन्धान भइरहेको भन्दै प्रहरी निरिक्षक चन्द्रमोहन यादवले बताए ।