शम्भु चौधरी लहान २२ भदौ । लक्ष्मीपुर पतारी गाउँपालिका भित्र एनजियो र आईएनजियोलाई समन्वय र सहकार्य गरी मात्र पालिका भित्र कार्य गर्न गाउँ पालिका अध्यक्ष चतुरानन्द ठाकुरले आग्रह गरेका छन ।
बिहिबार भएको लक्ष्मीपुर पतारी गाउँपालिका अन्तरगत विभिन्न क्षेत्रमा कार्यक्रम गर्ने संघ र स्थानिय तहसंगको समिक्षा तथा अन्तरक्रिया कार्यक्रममा यस्तो बताएका छन । पालिका भित्र कार्यक्रम संचालन गर्दा वडा स्तरदेखि पालिका स्तरसम्म सबैको सहयोग उतिकै आवश्यक भएकोले वा हरेक क्षेत्रमा भरपुर सहयोग प्राप्त गर्नको लागी तल देखि माथिसम्म समन्वय र सहकार्यको आवश्यकता हुनु पर्ने बताए ।
अहिलेसम्म पालिका भित्र जम्मा जम्मी आठ वटा संंघ संस्थाहरुले कार्य गरिरहेको र सबै संघ संस्थाको कार्य संन्तोषजनक रहको कार्यक्रममा अध्यक्ष ठाकुरले बताए ।
अहिले पालिका भित्र केयर नेपाल,युएसआईडी,आसमा नेपाल, साकोस,कृषि महासंघ जस्ता आठ वटा संघ संस्थाले कार्य गरिरहेको छ ।
कार्यक्रममा कार्यपािलका तथा विषगत शाखाका शाखा प्रमुखहरुको सहभागिता रहेका थियो ।
गाउँपालिकाको आयोजनामा भएको कार्यक्रममा वडा ५ का वडा अध्यक्ष ब्रह्मदेव यादव, वडा ४ का वडा अध्यक्ष विद्यानन्द साह र पालिका उपाध्यक्ष अमरकला यादवले आ आफनो मन्तव्य राखेको थिए ।
कार्यक्रम लक्ष्मीपुर पातारी गाउँ पालिका अध्यक्ष चतुरानन्द ठाकुरको अभ्यक्षतामा सम्पन्न भएको थियो
