गैर आवासीय नेपाली संघ कतारको पञ्जीकृत सदस्यता खुल्ला ( तरिका सहित)

रामएकबाल राम दोहा कतार । गैर आवासीय नेपाली सङ्घ राष्ट्रिय समन्वय परिषद् कतारले पञ्जीकृत सदस्यता खुल्ला गरेको छ l सङ्घको गत शुक्रवार सम्पन्न परिषद् भेलाबाट संशोधित विधान बमोजिम आगामी २०२१-२३ कार्यकालका लागि आजबाट पञ्जीकृत सदस्यता नवीकरण तथा खुल्ला गरिएको संघले जनाएको छ l

पञ्जीकृत सदस्यता शुल्क ५५ रियालबाट घटाउँदै ३५ कायम गरिएको छ । पञ्जीकृत सदस्यताको लागि इमेल, मोबाइल नम्बर, कतारको ठेगाना, पासपोर्ट कपीको फोटो, कतारी आइडीको फोटो अति आवश्यक पर्दछ भने पहिलो पटक सदस्यता लिन चाहनेले कतार प्रवेश गरेको २ वर्ष पुरा भएको कागजात हुनु पर्दछ भने पुराना पञ्जीकृत सदस्यले एनआरएनए को पुरानो आइडीको फोटो भए सहज हुनेछ l

यसरी भर्नुहोस् यो लिङ्कमा क्लिक गर्नुहोस् र https://members.nrna.org/signup पहिलो पेजमा व्यक्ति गत विवरण भर्नु पर्दछ जुन सामान्य विवरण सहितको छ तर तपाइको इमेल या फोन भने एक्टिभ हुनु पर्दछ l तपाइले भरेको व्यक्तिगत विवरणको भेरीफाईड कोड मोबाइल/इमेलमा आउँछ l कोड इमेलमा या मोबाइल कहाँ प्राप्त गर्ने त्यो तपाइको अनुकूलतामा भर पर्दछ l प्राप्त कोड इन्टर गरी सके पछि अपलोड डकुमेन्ट आउँछ l

अपलोड डकुमेन्ट अन्तर्गत कतारी आइडिको अगाडिको भागको फोटो हाल्नु पर्दछ l त्यसको तलपट्टिको अर्को भागमा पासपोर्टको स्क्यान फोटो खिचेर अपलोड गर्नु पर्दछ भने अर्को पट्टि कतार आएको २ साल प्रमाणित हुने कागजात तपाईँसँग जे छ त्यही हाल्नु पर्दछ। पछिल्लो कार्यकालको परिषद् सदस्यता कार्ड छ भने अगाडिको भागको फोटो खिचेर हाल्नु भयो भने एकदम सजिलो हुन्छ l

त्यसको ठीक तल आफ्नो नयाँ फोटो हाल्नु पर्दछ l सबै फोटोहरू अपलोड गर्दा रिसाइजको लागि जुम गरेर ठूलो सानो बनाउँदै सबै फोटोहरू मागिएको साइजमा अपलोड गर्न मिल्ने सुविधा छ l