शम्भु चौधरी लहान ११ फाल्गुन । लहान नगरपालिका २३ तिलैबोना गाउँ स्थित बलान नदीमा तटबन्ध निर्माणको कार्य आज देखि सुरु भएको छ ।
विधिवत रुपमा लहान नगरपालिकाका नगर प्रमुख महेश चौधरीले उक्त निर्माण कार्यको शिलान्यास गरेका छन् ।
शिलान्यास गर्दै मेयर चौधरीले भने बलान नदीले वर्षेनी कटान गर्न थाले पछि नगरपालिकाको बजेटबाट ५० लाख रकम विनियाजन गरिएको छ । साथै यसलाई ततकाल तटबन्ध निर्माण गरिएन भने यो गाउँ नै सराप हुने डर बताएका छन ।
कार्यक्रममा लहान नगरका उपमेयर रामचलितर महतोको पनि उपस्थिति रहेको थियो । उपमेयर महतोका अनुसार बलान नदीले १० औं बिगहा जमीन कटान गरि सकेको छ । यसलाई नियन्त्रण गर्न नगरपालिका मात्र होईन भु क्षय सम्बम्धि कार्य गर्ने सबै निकायलाई यसमा सहयोग गर्न आग्रह गरेका छन
नगरपालिकाले ५० लाख बजेट विनियोजन गरि कटान रोक्न तटबन्ध निर्माण थालेका छन् । यसबाट १ हजार ५ सय जनसंख्या लभान्वित हुने जनाएको छ ।
