मेयर कप क्रिकेटको उपाधी वडा ११ लाई

धनगढीमाई नगरपालिकाको आयोजनामा सम्पन्न प्रथम धनगढीमाई मेयर कप क्रिकेट प्रतियोगितामा ११ नम्वर वडा विजयी भएका छन् ।
टस जितेर व्याटिङ रोजेका वडा नम्वर ११ ले १६ ओभरमा वाड नं. ८ लाई २ सय २४ को टागेैट दिएको थियो । खेलको अन्तिम समयसम्ममा वाड नं. ८ ले ६ विकेटमा १ सय १४ रनमात्र प्राप्त गरेपनि २ सय २३ रन सहित वार्ड नम्वर ११ विजयी भएको हो ।
फाइनल खेलमा ११ का कप्तान राकेश मण्डले सवैभन्दा बढी ४६ बलमा ८५ रन लिएका थिए । त्यसैगरी कुशे मण्डलले ३१ बलमा ६९ रन लिएका थिए ।

विजयी टिमलाई मेयर हरिनारायण चौधरीद्वारा २५ हजार नगद सहित ट्रफि र प्रमाणपत्र प्रदान गरिएको थियो । दोस्रो हुने टिमलाई २० हजार नगद, प्रमाणपत्र र ट्रफि प्रदान गरिएको आयोजकले जनाएको छ ।
धनगढीमाईस्थित निर्मल लामा कभर्ड हलको प्रांगणमा सम्पन्न प्रतियोगिताको समापन समारोहलाई सम्वोधन गर्दै मयेर चौधरीले खेल मानिसलाई अनुशासन, मित्रता र एकताको भावनामा समेट्ने माध्यम भएको भन्दै यसले राष्ट्रिय तथा अन्तराष्ट्रि पहिचान पनि दिलाउने बताए ।
मेयर चौधरीले खेलाडीहरुलाई खेल पनि समाज सुधारको एउटा माध्यम बन्न सक्ने बताए । त्यसको लागि खेलाडीहरुले पनि आफूले कसको लागि र के का लागि खेल्ने भन्ने हेक्का राख्नुपर्ने बताए । प्रतियोगितामा १४ वटा वडा रहेको नगरक्षेभित्रका १२ वटा टिमको सहभागिता रहेको थियो ।
न्यूजको भिज्यूवल एफ.टी.पी.को सिरहा क्रिकेट खेल ३ माघ शिर्षकमा छ ।