सिरहा, २७ पुस । स्वास्थ्यको लागि खेलकुद, राष्ट्रको लागि खेलकुद नारासहित आज धनगढीमाई नगरपालिकाले प्रथम धनगढीमाई मेयर कप क्रिकेट प्रतियोगिता शुरु गरेको छ ।
निर्मल लामा कभर्ड हलको प्रांगणमा बाइटिंग गरी खेलको उद्घाटन गर्नुहुँदै नगर प्रमुख हरिनारायण चौधरीले नगरक्षेत्रभित्रका युवाहरुलाई दुव्र्यसनीबाट बचाउन र खेल क्षेत्रको विकासको लागि धनगढीमाई नगरपालिकाले क्रिकेट कपको आयोजना गरिएको बताउनुभयो । स्वस्थ्यकर तरिकाले सबै खेलाडीहरुलाई खेल खेल्न अनुरोध गर्नुहुँदै नगरप्रमुख चौधरीले खेलाडीहरुलाई थप हौसला प्रदान गर्न नगरपालिकाले निकट दिनमै फुटवल, भलिवल, ब्याडमिन्टन, कराँते लगायतका विभिन्न विद्याका खेल प्रतियोगिता शुरु गरिने वताउनुभयो ।
नगरप्रमुख, उपप्रमुख, प्रमुख प्रशासकीय अधिकृत, वडा अध्यक्षहरुले टिम कप्तान खेलाडीहरुलाई जर्सि लगायत आवश्यक खेल सामाग्री प्रदान गरिएको थियो । १४ वटा वडा रहेको नगरक्षेभित्रका १२ वटा टिमको सहभागिता रहनेछ । प्रतियोगिताको समापन खेल ३ गते माघमा हुने आयोजकले जनाएको छ ।
