सचिता चौधरी लहान ७ चैत्र । लोटस इंग्लिस बोर्डिंग स्कुल लहान ८ सिरहाले फाल्गुन १ गते विज्ञान तथा चित्रकला प्रतियोगिता गरेको थियो । उक्त प्रतियोगितामा विजेता भएका विद्यार्थीहरुलाई शुक्रवार एक कार्याक्रम गरी पुरस्कार वितारण गरेका छन् ।
किताबी ज्ञान भन्दा बाहिरी ज्ञान हाँसिल गर्न विभिन्न किसिमका अतिरिक्त क्रियाकलाप गरी विद्यार्थीहरुमा थप उर्जा प्रदान गर्ने उदेश्यले यो कार्यक्रम प्रत्येक साल गर्दै आएको स्कुलका प्रधानाध्यापक सुदिप कुमार चौधरीले बताए ।
विद्यार्थीहरुको पुरस्कार वितरण तीन भागमा विभाजन गरिएको थियो । पहिलो भाग कक्षा १ र २, दोस्रो भाग कक्षा ३, ४ र ५ तथा तेस्रो भाग कक्षा ६, ७, ८, ९ र १० रहेको थियो । यी सम्पूर्ण कक्षाका विजेता भाइ बहिनीहरुलाई प्रथम, द्वितिय, तृतिय र सान्त्वना पुरस्कार प्रदान गरिएको थियो ।
पुरस्कार वितरण गर्दै स्कुलका प्रधानाध्यापक चौधरीले भनेका थिए विद्यार्थीहरु भित्र लुकेका प्रतिभाहरुलाई उजागर गर्न हामी प्रत्येक वर्ष यस्ता खाले कार्यक्रम गर्ने छौँ भनी प्रतिवद्धता जाहिर गरेको थियो । विद्यार्थीहरुमा भएका क्षमता र कलालाई हामी वेला बखतमा विभिन्न किसिमका अतिरिक्त क्रियाकलाप गरी उच्च मनोवल बढाउने समेत प्रतिवद्धता व्यक्त गरेको थियो ।
कार्यक्रममा विजेता भएका विद्यार्थीहरुको अभिभावकहरुलाई सम्मान गरेको थियो । सम्मान कार्यक्रम गर्दै गर्दा अभिभावकहरुको उल्लेखनिय उपस्थिति रेहेको थियो । कार्यक्रम बिच अभिभावकहरुबाट आगामी दिनहरुमा यस्ता खाले कार्यक्रमहरु गर्नका लागि आवश्यक सल्लाह सुझाव संकलन गरेका थिए ।
विज्ञान र चित्रकला गरी २ विद्यामा पुरस्कार वितरण गरेका थिए । पुरस्कार स्वरुप नगद र प्रमाणपत्र प्रदान गरिएको स्कुलका सह प्रधानाध्यापक अरुण कुमार चौधरीले बताए ।
