लहान २४ माघ । जसपा नेपालका कार्यकर्ताहरूका अनुसार मधेशको अधिकार, पहिचान, समावेशी विकास र सामाजिक न्यायका सवालमा पार्टी निरन्तर संघर्षरत रहेकाले यसपटक पनि जनताले छाता छापमा मोहर लगाई सन्जिब कुमार यादवलाई विजय गराउने विश्वास लिइएको छ। निर्वाचन नजिकिँदै जाँदा सिरहा–२ मा चुनावी माहोल तातेको छ भने मतदाताहरू विकास र स्थायित्वको पक्षमा निर्णय गर्ने तयारीमा देखिएका छन्।
प्रतिनिधि सभा निर्वाचन क्षेत्र नम्बर २ मा समग्र विकास, सामाजिक न्याय तथा समृद्धिको एजेन्डालाई अघि सार्दै जनता समाजवादी पार्टी (जसपा) नेपालका युवा, सक्षम तथा शालीन उम्मेदवार सन्जिब कुमार यादवलाई विजयी गराउन मतदातासँग अपिल गरिएको छ।
उम्मेदवार यादवले क्षेत्रको दिगो विकास, सुशासन, पारदर्शिता र जनमुखी कार्यक्रममार्फत सिरहा–२ लाई नमूना क्षेत्र बनाउने प्रतिबद्धता व्यक्त गरेका छन्। युवाको नेतृत्व र नयाँ सोचमार्फत परिवर्तन सम्भव रहेको बताउँदै उनले सबै जात, वर्ग र समुदायलाई समेटेर अघि बढ्ने अठोट दोहोर्याएका छन्।
निर्वाचन प्रचार–प्रसारलाई तीव्र बनाउँदै जसपा नेपालका स्थानीय नेता तथा कार्यकर्ताहरूले क्षेत्र नम्बर २ का विभिन्न गाउँ–बस्तीमा घरदैलो कार्यक्रम, अन्तरक्रिया तथा भेटघाटलाई निरन्तरता दिएका छन्। उनीहरूले शिक्षा, स्वास्थ्य, रोजगारी, कृषि, पूर्वाधार विकास र सामाजिक समानताको मुद्दालाई प्राथमिकतामा राख्दै यादवलाई अत्यधिक मतले विजयी गराउन आग्रह गरेका हुन्।
