आज विश्व बाथरोग दिवस

२६ असोज । विश्व बाथरोग दिवस हरेक वर्ष अक्टोबर १२ तारिखमा मनाइन्छ। यो दिवस बाथरोग जस्ता मांशपेशी तथा जोर्नी सम्बन्धी रोगहरूको बारेमा जनचेतना फैलाउने उद्देश्यले मनाइन्छ।
यो दिवस सन् १९९६ मा सुरु गरेको हो। त्यसयता हरेक वर्ष अक्टोबर १२ मा यो दिवस अन्तर्राष्ट्रिय रूपमा मनाइन्छ।

बाथरोगका लक्षण, कारण र उपचारको बारेमा जनचेतना फैलाउने। रोगीहरूलाई समयमै पहिचान र उपचारका लागि प्रेरित गर्ने। सरकार र स्वास्थ्य संस्थाहरूलाई नीति निर्माणमा सहयोग गर्न दबाव दिने। बाथरोग भएका व्यक्तिहरूलाई साथ, सहयोग र जानकारी दिने यसको मुख्य उद्धेश्य रहेको छ।

बाथरोग भन्नाले जोर्नीहरूमा सूजन, दुखाइ, कडापन र चलाउन कठिनाई हुने अवस्थालाई जनाइन्छ। यो एउटा मात्र रोग होइन, विभिन्न प्रकारका जोर्नीसम्बन्धी रोगहरूको समूह हो।
बाथरोग ओस्टियोआर्थराइटिस, रुमेटोइड आर्थराइटिस, गाउट, एन्किलोसिङ स्पोन्डिलाइटिस, ल्युपस प्रकारहरूमा पर्छन्।

समयमै निदान र उपचारले बाथरोगलाई नियन्त्रणमा राख्न सकिन्छ। नियमित व्यायाम, सन्तुलित आहार र सकारात्मक सोचले जीवन सहज बन्न सकिन्छ ।