शम्भु चौधरी लहान २० फाल्गुन । ग्यालेक्सी एजुकेश्नल एकेडमी लहान नपा १५ ले आज अभिभावक दिवस मनाएका छन् । अभिभावकहरुको गुनासो बुझ्ने तथा सल्लाह सुझाव पाउने उदेश्यले दिवस मनाइएको हो ।
लहान नगरपालिका १५ का वडा अध्यक्ष तेज नारायण चौधरीको प्रमुख आतिथ्यमा कार्यक्रम सम्पन्न भएको हो । प्रमुख अतिथि चौधरीका अनुसार शिक्षा नै यस्तो चिज हो जो प्रत्येक मानिसलाई उज्यालो तिर डोर्याउछ । छोरा शिक्षा पायो भने व्यक्ति शिक्षित हुन्छ र छोरी शिक्षा पायो भने गाउँ नै शिक्षित हुन्छ । त्यसैले छोरी जातिलाई शिक्षामा विशेष जोड दिन अनुरोध गरेका छन् । त्यसै गरी अहिलेको परिवेशमा वालवालिकाहरुलाई मोवाइल सवभन्दा डरलाग्दो चिज भएको बताए । वालवालिकालाई मोवाइल कम्तिमा प्लस २ पास गरेपछि मात्र दिनुपर्ने अभिभावकहरुलाई सुझाव दिए ।
त्यसैगरी समाजसेवि रमानन्द चौधरीका अनुसार अहिलेको शिक्षा गुणस्तरहिन भइरहेको अवस्था छ । यसलाई गुणस्तरिय बनाउनमा सबैले जोड दिनुपर्ने हुन्छ । साथै आजको यो कार्यक्रम एक किसिमको सिकाइ हो ।
कार्यक्रम विच परिक्षामा प्रथम, द्धितिय र तृतिय स्थान हासिल गरेका छात्रछात्राहरुलाई प्रमाण पत्र र मेडल प्रदान गरेका छन् । वडा भरिका जनप्रतिनिधीहरुलाई मायाको चिनो दिनुको साथै वडा अध्यक्ष तेज नारायण चौधरी र समाजसेवी रमानन्द चौधरीलाई दोसल्ला ओढाई सम्मान गरेका छन् ।
२०७४।७५ सालमा स्थापना भएको विद्यालयमा हाल २ सय ७५ विद्यार्थी रहेको छ भने ९ जना शिक्षक शिक्षिका कार्यरत रहेको विद्यालयका संस्थापक नविन कुमार चौधरीले बताए ।
कार्यक्रम ग्यालेक्सी एजुुश्नल एकेडमी लहान १५ का संस्थापक अध्यक्ष नविन कुमार चौधरीको अध्यक्षतामा सम्पन्न भएको छ ।
