शम्भु चौधरी, लहान ४ मंसिर । धनगढीमाई नगरपालिकामा केहि दिन देखि कार्यपालिका सदस्यहरु बिच देखिएको असहमतिलाई सहमति र सहकार्यबाट निकास खोज्न सम्पुर्ण कार्यपालिका सदस्यहरुलाई मेयर शिवशंकर महतोले पत्रकार सम्मेलन गरि आग्रह गरेका छन ।
केहि दिन अगाडी नेपाली कांगे्रस, माओवादी र जनमतका गरी जम्मा १९ जना कार्यपालिका सदस्यहरुले नगर प्रमुख र प्रमुख प्रशासकिय अधिकृतको काम काज प्रति असंतुष्टि जनाई ज्ञापन पत्र बुझाएको ध्यान आकर्षण गर्दे मेयर महतोले सोमबार आफनै कार्य कक्षमा पत्रकार सम्मेलन गरेका थिए ।
निकालिएको प्रेस विज्ञप्तीमा कुनै किसिमको दम छैन, कुनै किसिमले जायज छैन त्यसमा कुनै सत्यता नभएको बताए यी सब कयोकल्पीत, असत्य तथा भ्रामक कुरा रहेको मेयर महताले बताए । वहाँहरु उपमेयर होस या वडा अध्यक्ष, वडा सदस्य होस चाहे कार्यपालिका सदस्य सबैले आ आफनो काम कर्तव्य र अधिकार बुझि कार्य सम्पादन गर्न म आजको यस पत्रकार सम्मेलनबाट आग्रह गर्न चान्हु । जनता सबैको हो सबैलाई विकास चाहिन्छ त्यस कारण सबै जना आउ सहमति र सहकार्यबाट कार्यलाई अगाडी बढाउन आग्रह गर्दछु ।
सम्मेलनमा वडा ६ का वडा अध्यक्ष भगलु महतो, वडा ७ का वडा अध्यक्ष विजय महतो,वडा ११ का वडा अध्यक्ष अशोक श्रेष्ठ र वडा १२ का वडा अध्यक्ष जयप्रकाश शर्मा लगायतका वडा अध्यक्षहरुको उपस्तिथि रहेको थियो । सबै वडा अध्यक्षको एउटै भाषा थियो कि समस्यालाई सहमति र सहकार्यबाट अगाडी बढाउ ।
