शम्भु चौधरी लहान १९ असार । लहान वडा नं ९ मा सुन्दर र सफा चिल्ड्रेन पार्क बनाउने लायन्स क्लब अफ लहान फुलबारीले प्रतिबद्धता जनाएका छन । शनिबार लहान खुटटी खोला पारीमा बन्न लागेको चिल्ड्रेन पार्कमा लायन्स क्लब अफ लहान फुलबारीको आयोजनामा वृक्षारोपण तथा सरसफाइ कार्यक्रम गरीएको छ ।
कार्यक्रममा सप्तरीको सरसफाई अभियानी ईन्जियर अनीता रौनियार, सुनसरीको रिया उराँव, उदयपुरको संजु पोखरेललाई सिरहाली सरसफाई अभियानीको तर्फबाट सम्मान गरीयो।
सरसफाई अभियन्ता धिरेन्द्र कुमार साहको प्रमुख अतिथिमा सम्पन्न कार्यक्रममा पार्क सरसपाई गर्नुका साथै वृक्षारोपण पनि गरियो । प्रमुख अतिथि साहका अनुसार विभिन्न प्रजातीका बोटविरुवा रोपेमा वतावरण समेत स्वच्छ रहने बताएका छन । पार्कमा सिजलन अनुसारको फलफुलको विरुवा लगाई बच्चाहरुलाई फल चिन्ह सजिलो हुने बताए ।
कार्यक्रममा वडाका बुद्धिजिवि, युवा, राजनितिकर्मी, शिक्षक वर्ग, विधार्थी वर्ग तथा पत्रकारहरुको समेत उपस्थिती रहेको थियो । कार्यक्रम प्रत्येक शनिबार चल्ने आयोजक समितिका अध्यक्ष शंकर प्रसाद गसप्ताले बताए
लायन्स क्लब अफ लहान फुलबारीको आयोजनामा संचालित कार्यक्रमको अध्यक्ष शंकरप्रसाद गुप्ताको अध्यक्षतामा सम्पन्न भएको थियो ।
