नेपाल पोष्ट दैनिक,,५ फाल्गुन । सिरहाको लहानमा शैक्षिक वृत्तमा छुट्टै पहिचानका साथ अघि बढ्दै आएको मेरी चिल्ड्रेन स्कूलको २६ औँ वार्षिक उत्सव तथा अभिभावक दिवसको अवसरमा आयोजित ूएक्स्पो २०८० भव्यताका साथ सम्पन्न भएको छ ।
फाल्गुन ४ गतेदेखि संचालित एक्स्पो मेला कला , संस्कृति र विज्ञान प्रदर्शनी गर्दै सम्पन्न भएको हो । दुई दिन सम्म आयोजित कार्यक्रममा आम अभिभावकहरुलाई आमन्त्रण गरिएको थियो ।
मेयर महेश प्रसाद चौधरीले पानसमा दीप प्रज्वलन गरी कार्यक्रमको उद्दघाटन गर्नु भएको थियो । उद्दघाटन कार्यक्रम अन्तर्गत राष्टिय गान सहित ज्ञात अज्ञात शहीदहरुप्रति सम्मान व्यक्त गर्दै कार्यक्रमलाई औपचारिकता प्रदान गरिएको थियो ।
आम समुदायसँग जोडिएको कला संस्कृति झल्किने नृत्य प्रस्तुतिले कार्यक्रममा मौलिकता र आकर्षण थपिएको थियो । स्कूलको स्टेजमा आयोजित कार्यक्रममा बालबालिकाहरूले आ आफ्ना प्रतिभा एकातिर देखाएका थिए भने अर्कोतिर प्रदर्शनका लागि राखिएका विभिन्न विषय वस्तुको आम अविभावक र अथिती गणहरुले अवलोकन गरेका थिए ।
आम जीवनसँग सरोकार राख्ने हरेक विषय वस्तुको बालबालिकाहरूले निर्माण गरेर प्रदर्शनमा राखेका थिए । कार्यक्रममा विद्यालयद्वारा उत्कृस्ट शिक्षक शिक्षिका र कर्मचारीहरुलाई सम्मान समेत गरिएको थियो ।
अत्यन्त मनोरम वातावरणमा आयोजित कार्यक्रममा प्रमुख अतिथि लगाएत पत्रकार समेतलाई खादा ओढाएर सम्मान गर्दै कार्यक्रमको समापन गरिएको थियो ।
फाउन्डर पाण्डव हमाल र स्कुलका सियो आयुष हमालको अमूल्य योगदानको कारण सिरहाको लहानको शैक्षिक वृत्तमा नौलो पहिचानका साथ लाहान मेरी चिल्ड्रेन स्कूल अगाडि बढिरहेको सहभागी अविभावक मो. आलमले बताएका छन ।
