थारु कला संस्कृतीलाई संरक्षण सम्बर्धन गर्न मेयर महतोले गरे ५१ हजारको सहयोग

सचिता सिंह, लहान ४ माघ । थारु कला संस्कृतिलाई संरक्षण संम्बर्धन गर्नका लागी धनगढीमाई नगरपालिकाका नगरप्रमुख शिवशंकर महतोले आफनो व्यत्तिगत तवरबाट रु ५१ हजारको राशी सहयोग गर्ने भएको छ ।
जिल्ला स्तरीय कार्यक्रम धनगढीमाई नगरपालिकाको वडा नं ११ आम चौकमा भएको पहिलो तिल्लासंकराइत उत्सव (माघी) २०८० को कार्यक्रममा यस्तो बताएका छन । थारु जाती नेपालका धर्ती पुत्र भएकोले वहाँहरुको पहिरन,भाषा,काला संस्कृति,पौराणीक गित तथा नृत्य अलग्यै किसिमको रहेका छन । यस्ता पौराणीक चिजहरुलाई सदैव जोगाई राख्न जरुरी देखिने नगर प्रमुख महतोले बताए ।
थारु मौलिकता या पौराणीक कला संस्कृति उजागर करै के लेल भने मुल नाराका साथ भएको उत्सवमा प्रमुख अतिथि प्रदेश सभा सदस्य माननिय राजेन्द्र प्रसाद चौधरी रहनु भएको थियो । प्रमुख अतिथि चौधरीका अनुसार प्रत्येक जातजातीको मौलिकता झलकाउने विषयवस्तुहरुमा प्रदेश स्तरमा पनि बजेट छुटयाउनेमा जोड दिएका छन ।
धनगढीमाई नगरपालिकाका उपप्रमुख संगिता कुमारी चौधरीका अनुसार यस्ता जातीयता उत्थानका कार्यक्रमका लागी नगर स्तरबाट पनि बजेट विनियोजन गर्नु पर्नेमा जोड दिएका छन र अगामी सालदेखि यस पालिकाबाट यस्ता कार्यक्रमका लागी बजेट विनियोजन गर्नमा समेत जोड दिने बताएका छन ।
उत्सवमा थारु बाजा गाजा सहित पौराणीक धुमरा नाच, नचारी, बिरहैन, पौराणीक गित गोदहैन तथा थारु मौलिकता झल्काउने गित तथा नाच, थारु खानाका परिकारहरु र थारु जातीको विहेमा प्रयोग गरिने सरसमानहरु पनि प्रस्तुत गरिएको थियो ।
थारु कल्याणकारणी सभा धनागढीमाई नगर समितिद्धरा आयोजित कार्यक्रममा थारु कल्याणकारणी सभाका केन्द्रिय सदस्य विरेन्द्र चौधरी,थारु काल्याणकारणी सभा सिरहाका सभापति सत्य नारायाण चौधरी तथा विभिन्न थारु अगुवाहरुले आ आफना मन्तव्य राखेका थिए ।
कार्यक्रम थारु कल्याणकारणी सभा धनगढीमाई नगर समितिका सभापति शम्भु प्रसाद चौधरीको अध्यक्षतामा सम्पन्न भएको थियो ।