वडा अध्यक्ष यादवले बनाइदिए नौ मुसहरहरुको घर

शम्भु चौधरी लहान १८ पुस । सिरहाको धनगढीमाई नगरपालिका १ छपरारी देखि नर्गीसम्मको रोड विस्तारको क्रममा धनगढीमाई नगरपालिका १ मा पर्न गएका घरहरु मध्ये नौ जना मुुसहर समुदायका घरहरु पनि परेका थिए ।

जसमा नौ जना मुसहरहरुलाई धनगढीमाई नगरपालिका १ का वडा अध्यक्ष सुर्य नारायण यादवले वडा १ कै एलानी पर्ती जग्गामा घर निर्माण गरिदिएका छन् ।
अध्यक्ष यादवले निर्माण गरिदिएका घरहरु मध्ये केहि जित्ना सदाय, शिवो सदाय, सोलिन्द्र सदाय, सुखरिया सदाय, मुन्ना सदाय, भुल्ला सदाय, अगहनिया सदाय, सन्तोष सदायरहेका छन । उक्त घर बाँस, माटो र छानोमा टिना दिई बनाएका छन् । बाँसको खर्च अध्यक्ष यादवले आफनो व्यतिगत खर्चमा लगनी गरिएकोछ भने टिना (जस्ता) को खर्च नगरबाट आएको अध्यक्ष यादवले बताए ।
रोड विस्तारका क्रममा पर्न गएका मुुसहरहरुका.घर अध्येक्ष यादवले निर्माण गरिदिएकोमा सदाय समुदाय अध्येक्ष यादव प्रति खुसी भएका छन् ।