उपचार गरिएको बाँसको उपयोगिता र बजार प्रवर्द्धन सम्बन्धि अन्तरक्रिया

शम्भु चौधरी लहान सिरहा ११ भदौ । सिरहाको लहानमा एक दिने उपचार गरिएको बाँसको उपयोगिता र बजार प्रवद्र्धन सम्बन्धि बहु सरोकारबालाहरुसंग अन्तरक्रिया कार्यक्रम सम्पन्न भएको छ ।
जिल्ला समन्वय समितिका प्रमुख दिनेश कुमार महतोको विशेष उपस्थितिमा कार्यक्रम भएको थियो । कार्यक्रमका प्रमुख महतोले भने भवानी एकिकृत विकास केन्द्रको सम्पुर्ण कार्यक्रमहरु सराहनियपुर्ण नै हन्छ तर कार्यक्रमहरुको समन्वयन तथा अनुगमन जिल्ला स्तरबाट गराउन सुझाव दिए ।

सबै जनालाई बाँच्नको लागी सुरक्षित आवासको आवश्यकता हुन्छ मुल नारा र उपचार गरिएको बाँसको उपयोगिता,बजारीकरण,सुरक्षित आवासको निर्माण, स्थानिय श्रोत साधनको प्रयोग र बाँसको उत्पादन बृद्धि तथा संरक्षण सम्बर्धन गर्ने उद्धेश्यका साथ कार्यक्रम संचालन भएको थियो ।
ग्रिन बेम्बो काठमाडौका सहजकर्ताहरुले सहजीकरण गर्दै भने यो कार्यक्रम हाम्रो डारेक्ट सरकारसंग हुन्छ । हामी प्राविधि कु्रा र आवश्यक सामाग्री उपलब्ध गराउछौ सरकारबाट सुकुम्बासीहरुको लागी जग्गा र बिजुली बति उपलब्ध गराई दिनु पर्ने हुन्छ । अबको भविष्य बाँसलाई जोडेर काठमा परिणत भईरहेको छ अबको भविष्य नै बाँसमा रहेको देखिन्छ । बिश्वमा १५ सय प्रजातिका बाँस पाईन्छ भने नेपालमा ५४ प्रजातिको बाँस पाईछ । नेपालमा १० देखि १२ लाख सम्मको कारोबार बाँसबाट हुन्छ भने पुर्वबाट सबभन्दा बढी कारोबार भएको बताए । साथै उपचार गरिएको बाँसबाट बनेको घरको आयु ४० देखि ५० वर्ष सम्मको हुने समेत सहजकर्ता कृष्ण अर्यालले बताए ।
कार्यक्रममा कर्जन्हा र लहान नगरपालिकाका जनप्रतिनिधि, जिल्ला वन डिभिजन कार्यालयका वन अधिकृत गंगा प्रसाद यादव, उधोग वाणिज्य संघका महासचिव श्याम गुप्ता,सामुदायिक वन उपभोक्ता समितिका प्रतिनिधि , निर्माण व्यवसायी संघ लहानका अध्यक्ष रासलाल राय लगायत सरोकारबालाहरुको उपस्थित रहेको थियो ।

नेपाल सरकारको साझेदारीमा अहिले सम्म ७ वटा जिल्लामा यो कार्यक्रम संचालनमा छ । २०२४ को डिसेम्बर सम्ममा ५ सय घर निर्माण गरि सक्ने लक्ष्यका साथ संचालन रहेको कार्यक्रममा अहिले सम्म झापामा ३७,मोरंगमा ७४,सप्तरीमा ३४ घर निर्माण गरि सकेको र अझ निर्माणाधिन क्रममा रहेको ह्याविटयाट फर हयुमानिटि नेपालका कार्यक्रम संयोजक रामसुन्दर यादवले बताए ।
भवनी एकिकृत विकास केन्द्र धनगढीमाई न पा २ भवानीपुरले सिरहाको कर्जन्हा र लहान नगरापलिकामा कार्यक्रम संचालन गरेको छ । दुईटै नगरपालिका गरी १ सय ५ वटा सुरक्षित आवास घर निर्माण हुने क्रममा रहेको केन्द्रका कार्यक्रम अधिकृत ज्ञानदिप चौधरी बताए ।
द हिल्टि फाउडेसन र ह्याविटयाट फर हयुमानिटि नेपालको आर्थिक सहयोग र भवनी एकिकृत विकास केन्द्र भवानीपुर सिरहाको आयोजनामा संचालित कार्यक्रममा उपस्थित सम्पुर्ण सरोकारबालाहरुलाई केन्द्रका परियोजना संयोजक अमन कुमार गुरमैताले स्वागत गरेका थिए ।

भवनी एकिकृत विकास केन्द्र भवानीपुर सिरहाका अध्यक्ष राजेश कुमार चौधरीको अध्यक्षतामा कार्यक्रम सम्पन्न भएको थियो ।