थारु जिल्ला अधिवेशन २०७९को तयारी पुरा

शम्भु चौधरी लहान १० चैत्र । थारु कल्याणकारणी शाखा सिरहाको ९ नवौ जिल्ला अधिवेशनको तयारी पुरा भएको छ । ११ गते शनिवार हुने लक्ष्मिपुर पतारी गाउँ पालिका पतारी पोखरभिन्डाको श्री जनता डोमी चौधरी प्राविधिक विद्यालयमा हुने अधिवेशनको तयारी पुरा भएको थारु कल्याणकारणी शभा सिरहाको सभापति सत्यनारायण चौधरीले बताए ।

सिरहा, सप्तरी, उदयपुर र सुनसरी गरी करिव ४ ओटा जिल्लाको थारु अगुवाहरुको उपस्थित रहने छ । थारु कल्याणकारणी शभाको मित्र महामंत्री पेमी लाल चौधरीको आतिथ्य रहने सभापति चैधरीले बताए ।

”पहिचान और अधिकारके लेल थारुसव एक जुट होवु” मुल उदेश्य राखी संचालित अधिवेशनमा जिल्ला भरीका तिन हजार भन्दा वढि थारु पहिरनमा सजिएका थारु दाजु, भाइ तथा दिदि, बहिनीहरु सहभागी हुने अन्दाज गरीएको छ । कार्यक्रममा थारु पौराणिक नाच तथा झांकी प्रदर्शन हुने सभापति चौधरीले वताए ।

अधिवेशन व्यवस्थापनको जिम्मेवारी लक्ष्मिपुर पतारी गाउँपालिका वडा नं. २ का वडा अध्यक्ष रामचन्द्र चौधरीले लिएका साथै पोखरभिन्डाका युवाहरु बडो सक्रियताका साथ कार्यमा लागेकोले सम्पुर्ण पोखरभिन्डा वासीलाई धन्यवाद दिन चाहन्छु सभापति चौधरीले बताए ।
अधिवेशनमा आएका सहभागीहरुको प्राथमीक उपचारको व्यवस्था समेत रहेको पोखरभिन्डाका थारु अगुवा दुर्गानन्द चौधरीले बताए ।