सचिता सिहं थारु, लहान ०५ चैत्र । थारु कल्याणकारणी सभा धनगढीमाई न.पा.को नगरसमितिमा शम्भु चौधरी सर्वसम्मत चयन भएको छ । धनगढीमाई नगर भरीका थारु भेलावाट शनिवार चौधरीलाई नगर सभापतिमा चयन गरिएको हो ।
नगर भरीका थारुहरुको पहिचान, भेषभुषा, कला, संस्कृति, भाषा संसक्षण तथा अधिकार संरक्षित गर्ने उदेश्य राखि सो समिति गठन गरिएको नगर सभापति चौधरीले बताए ।
धनगढीमाई नगरपालिकाका उप प्रमुख संगिता कुमारी चौधरीको प्रमुख अतिथिमा कार्यक्रम सम्पन्न भएको थियो । कार्यक्रमलाई संवोधन गर्दै उप प्रमुख चौधरीले भने थारु आफ्नो कला संस्कृति र भेषभुषामा धनी भए ता पनि आफ्नो अधिकार र पहिचानमा पछि परेको बताए । थारु कल्याणकारणी सभाले दिएको विधान वमोजिम अगामी दिनहरुमा थारु अगुवाहरुले सही तरीकाबाट कार्य गर्न नसकेको कारण तथा अगुवाहरु आफनो मनमानी तरिकावाट कार्य गर्दै आइरहेकोले आज थारुहरुको अवस्था यस्तो भएको बताए ।
शम्भु चौधरीको सभापतित्वमा १३ सदस्य नगर समिति गठन भएको छ । महिन चौधरी र निलम चैधरी उपाध्यक्ष, उरेश चौधरी सचिव, आशा चौधरी सह सचिव वविता चौधरी कोषाध्यक्ष र बाँकी सदस्य रहने गरी नगर समिति चयन भएको नगर सचिव उरेश चौधरीले बताए ।
थारु कल्याणकारणी सभा सिरहा जिल्ला सदस्य दशमीलाल चौधरीको अध्यक्षतामा कार्यक्रम सम्पन्न भएको थियो ।
