लहान, २० माघ । नेपाल र भारत मिलेर एक आर्कोको प्रगतिमा साहायता गर्न सकिने नेपालका लागि भारतीय राजदुत नविन श्रीवास्तवले बताएको छ। सिरहाको धनगढीमाई न पा ११ विद्यापति चौक छपडारीमा भारत सरकारको आर्थिक अनुदानमा निर्मित ‘महेन्द्र गेनाई स्मृति प्रसुति तथा बाल कल्याण अस्पतालको शुक्रवार उद्घाटन गर्दै दुवै देशले एक अर्काको विकासको पथमा सहायता गर्न सकिने बताएको हो।
भारत आफ्नो विकासको गतिमा अगाडी बढीरहेको बताउँदै राजदुत श्रीवास्तले भने, ‘हामी हाम्रो मुलुकको विकासको गतिमा अगाडी बढाईरहेका छौं मित्रताको हिसावले नेपालको विकास पथमा पनि भागित बन्न चाहन्छौं, आजको उद्घाटन पनि त्यसैको एउटा उदाहरण हो।’
वहाँका अनुसार, ‘यसैगरी भारत र नेपाल एक अर्काको प्रगतिमा निरन्तर सहयात्री बन्न सक्छौंं। अस्ताल भारत सरकारको ३ करोड ५० लाख आर्थिक सहयोगमा ५० शैया क्षमताको भवन १० वर्ष अधिनी निर्माण भएको थियो। विभिन्न कारणले अस्पताल हस्तान्तरण हुन नसकेको बताइएको छ।
सोही क्रममा राजदुत श्रीवास्तवले यस अस्पताललाई एउटा एम्वुलेन्स दिने निर्णय भएको बताए। उनले नेपाल सरकारको संघिय स्वास्थ्य मन्त्रालयले स्वीकृती दिनासाथ यसैगरी समारोहको आयोजना गरी एम्वुलेन्स पनि हस्तान्तरण गरिने बताए।
अस्पताल र एम्वुलेन्स सेवाले यस क्षेत्रको स्वास्थ्य उपचारमा सहयोग पुग्ने विश्वास व्यक्त गरे। उनले भने, ‘अस्पताल स्थापना पछि यस क्षेत्रको जनताको स्वास्थ्य उपचारमा सहयोग पुगेकपो छ, एम्वुल्नेन्स आए पछि झन सुविधा थपीने विश्वास गरेको छु।’
यो सहित सिरहा जिल्लामा यस्ता खालका १२ वटा योजनाहरु रहेको जानकारी दिए। कतिपय योजनाहरु चाँडै उद्घाटन गर्ने अवस्थामा पुगेको पनि राजदुत श्रीवास्तवले बताए। वहाँका अनुसनर, ‘कतिपय योजनाहरु आज नै उद्घाटन गर्नेभन्ने थियो, प्राविधिक कारणवस आज हुन सकेन, त्यो पनि चाँडै उद्घाटन हुन्छ।’
सोही क्रममा उनले २००३ पछिमात्र सिरहा जिल्लामा १६ वटा एम्वुलेन्स र २ वटा स्कूलवस सहयोग गरेको जानकारी दिए। उनले भने, ‘अव यो अस्पतालमा एउटा एम्वुलेन्स आउँदा १७ वटा पुग्छ। गत मंसिरबाट १५ शैयाको अनुमति लिएर अस्पताल सञ्चालनमा रहेको छ। अहिले ३५ देखि ५० जनासम्म विरामी सेवालिन आउने गरेको अस्पताल प्रशासनले जनाएको छ।
उद्घाटन कार्यक्रममा प्रदेश सासंदहरु राजेन्द्र प्रसाद चौधरी, ललिता दास विद्रोही, जिल्ला समन्वय समितिका प्रमुख दिनेश कुमार महतो,भनगढीमाई न पा नगरप्रमुख शिवशंकर महतो लगायतका उपस्थिति रहेको थियो।
कार्यक्रमको स्वागत धनगढीमाई नगरपालिकाका नगरप्रमुख महतोले गरेका थिए भने अस्पताल अध्यक्ष गंगाराम महतोको अध्यक्षतामा सम्पन्न भएको थियो।
