शम्भु चौधरी लहान १ कार्तिक । सिरहाको धनगढीमाई नगरपालिका अन्तर्गत स्वास्थ्य शाखाको आयोजनामा डेंगु रोग रोकथाम तथा नियत्रण समबन्धि एक दिने गोष्ठी सम्पन्न गरिएको छ ।
स्थानिय प्राकृतिक अस्पतालको सभा हलमा आयोजित कार्यक्रममा पालिकाका वडा अध्यक्षहरु, प्रमुख स्वास्थ्यकर्मीहरु, स्वयम् सेविकाहरुको सहभागितामा आयोजित कार्यक्रममा जनस्वास्थ्य कार्यालय सिरहाका प्रमुख कृष्ण देव यादवले डेङ्गु भाइरसको बारेमा जानकारी गराउँदै उपचार र बच्ने उपायहरुका बारेमा प्रक्षिक्षण दिनु भएको थियो ।
कार्यक्रममा नैनपुर अस्पताल प्रमुख राम बिलास चौधरी वडा नं १४ का वडा अध्यक्ष अमित ठकुरीले आफ्ना भनाई राख्नु हुँदै डेङ्गु भाइरसको नियन्त्रणमा अभियान चलाउनु पर्ने धारणा राख्नु भएको थियो ।
मेयर शिवशंकर महतो ज्यूको अध्यक्षतामा आयोजित कार्यक्रममा प्रमुख अतिथि नगर उपप्रमुख संगीता कुमारी चौधरी, विशिष्ट अतिथि प्रमुख प्रशासकिय अधिकृत गोपाल प्रसाद बगाले लगायत पत्रकार रहेको उक्त कार्यक्रमको संचालन स्वास्थ्य शाखा प्रमुख विशेस्वर प्रसाद यादवले गर्नु भएको थियो ।
