मधेशका सडक फोहोर जम्मा गर्ने थलो बन्दै

शम्भु प्रशाद चौधरी २५ भदौ। राजनीतिक परिवर्तनका पारखी मधेशका राजनेताहरुको चेतनामा परिवर्तन नभए सम्म मधेशका सडकहरूमा दुर्गन्ध नियन्त्रण गर्न सकिँदैन ।

विकाशको नाममा बजेट निकासा गर्ने अनि बजेट पचाउनका लागि नानी देखि लागेको बानीमा सुधार गर्नको लागि दसकौ लाग्ने देखिन्छ । सिराहा जिल्लाको प्राय सबै पालिकाहरूको सडकको वास्तविक अवस्था यस्तै रहेको देखिन्छ । सडकमा इन्धन लगायका सामाग्री जम्मा गर्ने र अन्य वस्तुहरूको बिस्कुन सुकाउन प्रयोग गर्ने थलोको रूपमा रहेको मधेशको ग्रामीण सडकमा गाई भैंसी बाँधेर राख्ने समस्या एकातिर रहेको पाइन्छ भने अर्कोतिर सडकमा खाने पानीको लागि प्रयोग गरिने कलको पानी निकासको मुख्य माध्यम सडक बनिरहँदा ग्रामीण सडकमा समस्या उत्पन्न हुने गरेको अवस्था रहेको पाइन्छ ।

जनप्रतिनिधिको भदौरे विकाश अनि बजेट पचाउने नीतिका साथ विकासलाई खयाल खयाल रूपमा लिएर अगाडि बढाउदा ग्रामीण बस्तीमा समस्या उत्पन्न हुने गरेको अवस्था रहेको देखिन्छ ।
जनप्रतिनिधिले आ आफ्नो वार्डको सरसफाई गर्ने गराउने ,फोहर गर्ने लाई जरिवाना गर्ने सफाई राख्ने लाई पुरस्कृत गर्ने जिम्मेवारी वार्ड अध्यक्ष को होइन र ? मेयरले मात्र गर्नु पर्छ भने सोच त्याग गरौं । सार्वजनिक सडक अतिक्रमण गरेर राखेको फोहरले वातावरण दुर्गन्धित बन्दा अनेकन किसिमका रोगहरू समाजमा फैलिन सक्ने सम्भावना अधिकांश मधेशका बस्तीहरूमा रहेकोले सबैले आफ्नो जिम्मेवारी बहन गर्न जरुरी देखिएको छ ।