सप्तरीको कञ्चनपुरुपमा दलित समुदायका अगुवाहरूको प्रदेशस्तरीय सम्मेलनजारी

लहान १७ भदौ । दलितको अधिकार सबैको सरोकार भन्ने नाराकासाथ पाँचौ दलित समुदायका अगुवाहरूको प्रदेशस्तरीय सम्मेलन सप्तरीको कञ्चनरुप नगरपालिकास्थित एलिफेन्ट रिसोर्टमा जारी रहेको छ।

दलित सरोकारमञ्च नेपाल कञ्चनरुप नगरपालिका -८ को आयोजना उक्त प्रदेशस्तरीय सम्मेलन आउदो १९ गते आइतबारसम्म हुने आयोजकले बताएका छन।

योसँगै आजको कार्यक्रमको उदधाटन प्रमुख अतिथि मधेश प्रदेशका समाजिक विकास मन्त्री माननीय नवलकिशोर साह, विशिष्ट अतिथि लोकतान्त्रिक समाजवादी पार्टीका केन्द्रीय सदस्य तथा मधेश प्रदेश दलित विकास समितिका सदस्य श्याम सरदार, अध्यक्ष भोला पासवान , लवकुश वैठा, प्रध्यापक डा. विजय प्रसाद मिश्र प्रदिप रसाइली लगायत मधेश प्रदेशका दलित अगुवाहरुको उल्लेखनीय सहभागी रहेका छन ।

यस कार्यक्रममा मुख्यतया दलित विकास समितिको ५ वर्षीय रणनीतिमा समेट्नुपर्ने दलितका सवालका बारेमा मधेश प्रदेशका आठवटै जिल्लाका दलित अगुवाहरुबिच अन्तरक्रिया भइरहेकोबारे आयोजकको तर्फबाट बालकुमारी चौधरीले बताईन।

आजको कार्यक्रममा छलफल गरिएका विषय वस्तुहरु यस प्रकार छन:- – दलित सशक्तीकरण ऐन कार्यान्वयनको अगामी कार्ययोजना – दलित विकास समितिको ५ वर्षीय रणनीतिमा समेट्नुपर्ने दलितका सवाल – मधेश प्रदेश सरकारले निर्माण गरेको र प्रस्तावित ऐनहरुमा दलित अधिकारबारेमा छलफल अन्तरक्रिया गरेको डा. विजयप्रसाद मिश्रले बताए ।