लेखक :मोनम मिश्र मेरो सानो संसारमा
म कहिले मुस्कुराउछु
मन भित्र पिडा हुँदा
कहिले पिडाको आँसु लुकाउछु ।
यता हेरु दु :खी आत्मा
उता हेरु लोभी र पापी आत्मा
छल र कपटले भरिएको संसारमा
प्रेमपुर्न सम्बन्ध बनाउन सिकाउछु।
कहिले दीन दु:खिलाई
संघर्षको कथा सुनाउछु
कहिले युवायुवतीलाई महापुरुषहरुको
वीर गाथा बताउछु।
चारैतिर निराशाको बीचमा
म अझै आशाको दीप जलाउछु
निर्दयी यो शहरमा
एकलै मानवताको गीत गुन गुनाउछु।
मान्छु म जहाँ पनि अहिले
स्वार्थी र भ्रष्टहरुको राज छ
तर एक दिन ईमानदारहरुको सुतेको आत्मालाई जगाउछु।
उनीहरु सँगै कान्धमा कान्ध मिलाएर
शोषणमुक्त , भेदभाव रहित र समतामूलक समाज बनाउछु ।
