इतिहासमा पहिलोपटक दलित जागरण अभियान

पूर्व र पश्चिमबाट एकैसाथ उदघोष हुँदै लामो समयदेखि समाजिक, अार्थिक, राजनीतिक र सांस्कृतिक रुपबाट अपहेलित, उपेक्षित र अधिकारबाट बन्चित दलित समुदायलाई सचेत र जागृति गराउने हिसाबले यही फाल्गुन १ गते पूर्वमा सप्तरीको राजविराज र पश्चिम दैलेखबाट एकैसाथ राष्ट्रिय दलित मुक्ति जागरण अभियानको उदघोष हुँदैछ ।

अभियानको संयोजन पूर्वबाट राजेश विद्रोहीले गर्दैछन् भने पश्चिमबाट खगेन्द्र सुनारले । फाल्गुन महिना नागरिक न्यायको महिना, सहिदहरुको महिना, जनयुद्ध र जनअान्दोलनको महिना, रविदास जयन्तीको महिना, लगायतको महत्वपूर्ण महिना भएकोले तमाम समस्याहरुबाट कोही पीडित छन् र नागरिक अधिकार हनन कसैलाई भएको छ भने त्यो दलित समुदायलाई भएको छ ।

त्यसैले सबैलाई समेट्नेगरी र प्रतिनिधित्व हुने गरि फाल्गुन १ गते इतिहासमा पहिलोपटक हिमाल पहाड, तराई मधेसका दलित समुदायलाई एउटै बाइनरमा समेट्ने गरी पूर्व र पश्चिमबाट एकैसाथ यो अभियानको उदघोष हुँदैछ । जारी गरिएको अभियान पत्रमा भनिएको छ, ´दलित समस्या साझा समस्या हो । यसको समाधान पनि सामूहिक र साझा हुनुपर्छ ।

दलित समुदाय अाफ्नो हकअधिकारबाट लामो समयदेखि बन्चित छन् । अशिक्षा, बेरोजगारी, भूमिहीन्ताले दलित समुदाय अाक्रान्त छ । दलित समुदायको अाफ्नै इतिहास छ । त्यो इतिहास पढ्न जरुरी छ । लकडाउनमा दलितमाथि भएको जघन्य अपराधको फैसला अहिलेसम्म भएको छैन् । दलित समुदाय अान्दोलित भए पनि त्यो अान्दोलनले कुनै प्रवाह भएको छैन् । घटनाका दोषीहरुले उन्मुक्ति पाएका छन् । पीडित परिवारले अहिलेसम्म न्याय पाएको छैन् ।

कम्जोर र इतिहासदेखि त्रसित बनाएर दमन, शोषण र उत्पीडनको शिकार बनाइएका दलित समुदायलाई विभिन्न प्रलोभनमा पारेर र दबाब दिएर धेरै घटनाहरु अहिले पनि दबाउने समाजिक परम्परा कायमै छ । यसलाई न तोडिएसम्म र दलित समुदाय एक ढिक्का न भएरसम्म दलितमाथिको पशुवत अत्याचारको अन्त्य हुँदैन ।

त्यसैले दलितलाई संगठित हुन्, अफ्नो इतिहास प्रति सजग रह्न र अाफ्नो स्वतन्त्र हकअधिकारका लागि राज्य, राजनीतिक दल र अन्तर्राष्ट्रिय जगतलाई ध्यानाकर्षण गराउन यो जागरण अभियानको अावश्यकता ठानेर उदघोष भएको छ । यसमा सम्पूर्ण दलित तथा उत्पीडित वर्ग र समुदाय एक ढिक्का भएर अभियानमा लाग्न` अपिलमा अाग्रह गरिएको छ ।