लहान २३ असार । विश्व व्यापी महामारीको रुपमा फैलिएको कोरोना भाइरस अर्थात कोविड १९ को रोकथाम तथा नियन्त्रणका लागी सबल नेपाल र सेभ द चिल्ड्रेनको सहयोगमा सप्तरीको सुरुङ्गा नगर पालिका र खडक नगर पालिकालाई क्वारेन्टाइन व्यवस्थापनका लागी विभिन्न स्वास्य सामग्रीहरु सहयोग गरेका छन् ।
सप्तरीको सुरुङ्गा नगर पालिकाका १० वटा स्वास्थ चौकी, २ वटा र्बथिङ्ग सेन्टर र ३ वटा क्वारेन्टाइनलाई लाखौ मूल्य बराबरको स्वास्थ सामग्री सहयोग गरेको दातृ संस्था सबल नेपाल फिल्ड अधिकृत राधेश्याम रामले जानकारी दिनुभयो । यस्तै खडक नगर पालिकाका ११ वटा स्वास्थ चौकी, ४ वटा बर्थिङ्ग सेन्टर र ३ वटा क्वारेन्टाइनलाई विभिन्न स्वास्थ सामग्री हस्ताणतरण गरेको फिल्ड अधिकृत रामले जानकारी दिनुभयो ।
कोरोना भाइरसको माहामारीको बेला सहयोग गर्न स्वास्थ सामग्री सहित उपस्थित भएकोमा सबल नेपाल र त्यसको संस्था सेभ द चिल्ड्रेनलाई दौलतपुर क्वाइरेन्टाइका हेल्थ एसिसटेण्ट नरेन्द्र चौधरीले धन्यवाद दिनुभयो । उनले भने – यो असजिलो परिस्थितीमा सबैको सहयोग चाहिन्छ । हेन्ड सेनिटाइजर ५० पिस, सरस्र्माट मोप ४८ पिस, थर्मोगन १५ पिस, सर्जिकल ग्लोबस १३ प्याकेट, लगायतका स्वास्थ सामग्रीहरु हस्ताणतरण गरेको छ ।
