विन्दवासिनीको ईटियाहिमा बन्न लागेको धर्मशाला नियमानुसार रहेको सचिव निलु चौरसियाको दाबी

वीरगंज ६ अषाढ।पर्सा जिल्लाको विन्दवासिनी गाउँपालिका वडा नं. ३ ईटियाहिमा गाउँपालिकाले बनाउन लागेको धर्मशालाको कार्य धमाधम अगाडि बढदा स्थानियहरु खुसी भएका छन् ।
स्थानिय प्रेमचन्द्र चौरसियाका दाजुभाइले आफ्नो निजि जग्गा श्री हनुमान मन्दिर सेवा समितिलाई दान गर्नु भएको थियो । सो जग्गा विन्दवासिनी गाउँपालिकाको वडा नं. ३ अमरपटी ७ गाउँको किता नं. १७ मा रहेको ५ धुर निजि जग्गा मन्दिर सेवा समितिलाई २०७६ साउन १४ गते दान गरेका थिए । सो जग्गामा गाउँपालिकाकी उपाध्यक्ष किरण देवीको नेतृत्वमा बन्न लागेको धर्मशालाले स्थानियबासीहरु निकै खुसी देखिएका छन् भने आफुलाई विद्यार्थी नेता ठान्ने विकास बिरोधी मधुसुदन चौरसियाले धर्मशालाको काममा विभिन्न वाधा अवरोध गर्ने कार्य गरेकोमा स्थानियहरु आक्रोशित बनेका छन् ।
आफुलाई नेता ठान्ने चौरसियालाई जग्गा कति हो भनेर थाहा नभएको अवस्थामा उनि ५ धुर जग्गालाई अढाई धुर भन्दै विभिन्न मिडियाहरुमा गलत प्रचार गराउनमा अघि देखिएको मन्दिर सेवा समितिकी सचिव श्रीमति निलु देवी चौरसियाले बताईन । धर्मशाला निर्माणको लागि नियम प्रक्रिया पुरा गरी ठेक्का मार्फत गाउँपालिकाले धर्मशाला बनाउन लाग्दा बिरोध बिरोधी मधुसुदन चौरसियाको आफ्नो निजि घर पछाडि पर्ने डरले भ्रष्टाचार लगाययतको विभिन्न अनर्गल प्रचार गराउन माहिर देखिएका छन् ।
गाउँपालिकाले गाउँ समाजलाई विवाह ब्रतबन्ध लगायतका सामाजिक कार्यमा सहयोग पुग्ने उदेश्यले धर्मशाला निर्माण गर्न लागेको गाउँपालिकाकी उपाध्यक्ष किरण देवीको भनाई रहेको छ । गाउँपालिकाकी उपाध्यक्ष किरण देवी गुप्ताले बजेट निकासा गराई निर्माण शुरु गराउदै धर्मशालाका लागि आगामी आर्थिक वर्षमा थप बजेट निकासा गरेर स्थानियबासीहरुलाई सहज हुने काम गरेको बताईन । धर्मशाला निर्माण गर्दा सो जग्गाबाट साढे ३ फिट जग्गा छोडि निर्माण गर्न लाग्दा समेत बाटो मिचेर निर्माण हुन लागेको भन्दै भ्रामक प्रचार गरिएकोले सो को पछाडि नलाग्न उपाध्यक्ष देवीले आग्रह गर्नु भएको छ ।
निर्माण गर्न लागिएको सो धर्मशालाले दक्षिणपट्टि रहेको कित्ता नं. ६६ को जग्गा पनि मिचेको भन्दै जग्गाधनी स्थानीय राकेश चौरसियाले बुधबार जिल्ला प्रशासन कार्यालय पर्सामा रोक्काको निवेदन दिएका छन् । जसको बोधार्थमा जिल्ला प्रहरी कार्यालय, प्रहरी चौकी अमरपट्टी र गाउँपालिका कार्यालय रहेका छन् । तर रोक्का निवेदन माथि जग्गा दाता प्रेम प्रसाद चौरसिया र मन्दिर सेवा समितिकी सचिव निलु देवी चौरसियाले आफ्नो सबुत प्रमाण सहित सम्बन्धित निकायमा पुगेकोले कुनै पनि व्यक्तिको निजि जग्गा अतिक्रणमा नगरेको प्रष्ट भएको सचिव निलु देवीको भनाई रहेको छ ।