रोहित कुमार मण्डल सप्तरी (कुशहा ) १७ जेठ । विश्व व्यापी महामारीको रुपमा फैलिदै गएको कोरोना भाइरस अर्थात कोविड –१९ को सन्त्रास फैलिदै गएको बेला नेपाल सरकारले नियन्त्रण तथा रोकथामका लागि गरेको लामो समयको लकडाउनको कारण दैनिक ज्याला मजदुरी गरी दैनिक जिवनयापन गर्दै आइरहेका सप्तरीको सुरुङ्गा नगर पालिका , बलान बिहुल गाउ पालिका , सिरहाको लहान नगर पालिका ५ तथा सिरहा नगर पालिका ५ रमौल टोलमा नेपाल प्रज्ञा जन उत्थान प्रज्ञा समाज सप्तरीले ७ सय ६७ जना विपप्न घर परिवारका लागि राहत सामग्री वितरण गरेको छ ।
नेपाल जन उत्थान प्रज्ञा समाजका कार्यकारी निर्देशक मोहम्द कलामुद्धिको अध्यक्षता तथा अगुवाई सुरुङ्गा नगर पालिका ५ मुस्लिम टोलमा १ सय ६ घरधुरी, सुरुङ्घा नगर पालिका ९ मा १ सय १० घरधुरी , सुरुङ्गा नगर पालिका वडा नम्बर १० थल्हामा र वडा नम्बर ८ सम्सेरपुरमा गरी ६५ घरधुरीलाई राहत वितरण गरेका छन् ।
यस्तै बलान बिहुल गााउ पालिका ४ बेल्हीमा ६० घरधुरी तथा सिरहा नगर पालिका ५ रमौल मुस्लिम टोलमा १ सय ५१ घरधुरी र लहान नगर पालिका ५ खुटिटोलमा २२ घरधुरीलाई राहत वितरण गरेको नेपाल जन उत्थान प्रज्ञा समाज सप्तरीका अध्यक्ष मोहम्द अलाउद्धिनले जानकारी दिनुभयो ।
लामो समयको लकडाउनका कारण दैनिक रुपमा ज्याला मजदुरी गरी जिविकोपार्जन गर्दै आइरहेका यहााका दलित तथा अति विपप्न घरपरिवारका लागि राहत सामग्री स्वरुप चामल ५ केजी., दाल १ केजी,स्वाविन ५०० ग्राम, खानेतेल ५०० ग्राम,भुजा ३ केजी वितरण गरेका छन् । मुस्लिमहरुको महान पर्व इदका लागि ५ केजी चामल, सेवय २ केजी चाना –बदाम) १ केजी र चिनी १ केजी वितरण समेत गरेका थिए । राहत पाएपछि गरिब तथा विप्पन परिवार खुशिले गदगद भएका छन् ।
