नरेन्द्र महतो गौशाला २२ माघ । महोत्तरी जिल्लाको सम्सी गाउँपालिका र नेपाल भारत सिमनामा कोरोना भाईरसको वीरामीहरुको लागि मंगलवार देखि हेल्प डेक्स सेवा संचालनमा ल्याएको छ ।
सम्सी नाकामा संचालन गरेको हेल्प डेक्स सेवामा २८४ जनालाई स्वास्थ्य परीक्षण गरे त्यसमा सधारण रुगा खोकि बाहेक कोरोना भाईरस नभेटिएका स्वास्थ्यकर्मीले जनाए। जिल्लाका ११ ठाउँ सहित सम्सी नाकाको दुई ठाउँमा जाँच शुरु गरेको सम्सी गाउँपालिकाका स्वास्थ्य शाखाका संयोजक संजय यादवले जनाए ।
नेपाल भारत बाट आउने जाने प्रत्येक व्यक्तिलाई स्वास्थ्य परिक्षण गरि आउने जाने दिने गरेको छ । कोरोना भाईरस बाट जोगिने र बाँच्ने तरीका पनि जानकारि गराई रहेको छ ।
यो सेवा जिल्लाको भारतीय सीमावर्ती खैरवनि, रघुनाथपुर, सम्सी, पोखरभिन्डा, ईटहर्वा, कटी, सीस्वाकटैया, बथनाहा, मरुवाहि, भिठ्ठामोर सहितको स्थानमा डेस्क संचालनमा ल्याएको वरिष्ठ स्वास्थ्य प्रशासक नागेन्द्र चौधरीले जनाए ।
यो कार्य स्वास्थ्य तथा जनसंख्या मन्त्रालयको निर्देशन अनुसार र जिल्ला प्रशासनको कार्यालयको समन्वय अनुसार डेस्क स्थापना गरेको छ । कोरोना भाईरसको लक्षण भेटेमा सम्बन्धित अस्पतालमा पठाउने गरेका उनले जनाए ।
