अनिलकुमार चौधरी २१ माघ । रुपन्देही जिल्लाको माया देबी गाउँपालिका ६, बेथरीमा भएको सतचण्डी महायज्ञमा चमार समुदायलाई प्रसाद वितरण तथा भोज कार्यमा छुवाछूत गरिएको छ ।
दलित चमार समुदायका मानिसहरुले महायज्ञमा लाग्ने सबै खर्च आफुहरु उठाएको र मन्दिर निमार्णका लागि आफनो समाजका अगुवा प्रकाश चमारले लगभग ५० लाख पर्ने जग्गा दानमा दिएको तर भोज खानेबेला र प्रसाद वितरणको क्रममा छुटै राखेर छुवाछूत गरेको बालकृष्ण हरिजनले बताए । चमार जातिसंग पानी नचल्ने अछुत जात भएकाले महायज्ञमा प्रवेश गरे देउता रिसाउने र अनिष्ट हुने हुँदा आफुहरुलाई प्रसाद ग्रहण गर्नेदेखि भोज भतेरमा समेत रोक लगाईएको पिडित रिझनक चमारले बताएका छन ।
बालकृष्ण र रिझनका अनुसार आफुहरुले यज्ञयका सबै काम, पैसा उठाउने देखि दालचामल जुटाउने सम्मको काम गरेको । तर, दलित समुदायका महिलाहरुलाई भोजकाजमा खाना बनाउने लगायतको काममा सहभागि नगराएको र आफुहरुलाई भोजमा खान छुट्टै बस्न लगाउँदा आफूहरु नमानेपछि विवाद भएको र गैरदलितहरुले हामीलाई जातिय गाली गरेर अपमानित समेत गरेको पिडितहरुले जनाएको छ । चमार समुदायका समासेवी प्रकाश चमारका अनुसार आफुहरुले त्यत्रो जग्गा दान गरेर पनि उल्टै आफुहरुलाई गैर दलितहरुले अपमानित गर्दै आएको बताएका छन् ।
पिडितहरुले न्यायकालागि सम्बन्धित सरोकारबाला निकायहरु तथा मानवअधिकारवादीहरुलाई समेत अग्रह गरेका छन । भने चमार सेवा समाज नेपालले भोजमा गरिएको यस्तो विभेदको घोर भत्सर्ना गरेको गर्दै विभेदमा परेकाहरुलाई सहयोग गर्न सबै सरोकारवाला पक्षसगं अध्यक्ष दिनेश चमारले आग्रह गर्नुभएको छ ।
यसरी एक्कईसौ शतब्दीमा पनि जातको आधारमा विभेद गर्नेहरुलाई कडा करवाहीको दायरामा ल्याउनु पर्ने र जग्गा दाता तथा त्यहा रहेका दलित समुदायलाई न्यायका लागि नेपाल सरकारले उचित पहल गर्नु पर्ने चमार सेवा समाज अमेरीकाका संयोजक अमिरी महरा चमारले माग गरेका छन ।
