विराटनगर १७ माघ । संस्कार, संकृतिको जगेर्ना गर्ने उदेश्यले विराटनगर महानगरपालिका–४ मा रहेको मदरल्याण्ड एकेडेमीले भजन प्रतियोगिताको आयोजना गरेको छ ।
सरस्वती पूजाको अवसरमा आयोजित प्रतियोगितामा १० वटा विभिन्न भजन किर्तन समूहले सहभागिता जनाएको स्कुलका प्रिन्सिपल मोहन बुढाथोकीले बताउनु भयो । निर्णायकमा भजनका गायक एवं संगीतकार माधवशरण घिमिरे र केशव कार्की हुनु हुन्थ्यो ।
प्रतियोगितामा सिद्धेश्वर प्रथम, शान्ति द्धितिय र सनातम भजन किर्तन समूह तृतिय हुँदै क्रमस १२, १० र सात हजार रुपैयाँ नगद पुरस्कार पाए । विजेता समूहलाई विराटनगर महानगरपालिकाका मेयर भीम पराजुलीले पुरस्कार तथा प्रमाणपत्र वितरण गर्नु भयो । अन्य सहभागी सातवटा टिमलाई तीन हजारका दरले सान्त्वना पुरस्कार दिइयो ।
समाज र शैक्षिक संस्थामा धार्मिक एवं आध्यात्मिक चेतनाको विकास र प्रवद्धनका लागि प्रतियोगिता आयोजना गरिएको प्रिन्सिपल बुढाथोकीले बताउनु भयो । सकारात्मकतातर्फ उन्मुख गरेर समाजलाई अनुशासित बनाउन पनि मद्धत गर्ने उहाँको भनाइ छ । बुढाथोकीले भजन किर्तनले सबैमा सकारात्मक सोंचको विकास हुने, मान्छेलाई आशावादी, नैतिकवान र असल चरित्रमा रहन सिकाउने उल्लेख गर्नु भयो
। उहाँले भजनले धार्मिक बनाएर लैजाने र गलत गतिविधी तथा कृयाकलापबाट टाढै बस्न प्रेरित गर्ने बताउनु भयो । भजनले भविष्यका कर्णधार विद्यार्थी बालबालिकालाई पनि सकारात्मक बन्न सिकाउने बुढाथोकीको भनाइ छ ।
भजन गायक एवं संगीतकार घिमिरेले भजनले आध्यात्मिक चेतनाको विकास भई मान्छेलाई नकारात्मकता विरोधी बनाउने बताउनु भयो ।
घिमिरेले समाजलाई सकारात्मक बनाएर मान्छेलाई धार्मिक, सालिन र भद्र बनाउन भजनको महत्वपूर्ण भूमिका रहने उल्लेख गर्नु भयो ।
