लहान २० आषाढ । । पूर्वपश्चिम राजमार्गको बाराको पथलैयादेखि सिरहाको कमलासम्म रहेको सडक खण्ड चार लाइनमा विस्तार हुने भएको छ ।
बढ्दै गएको सवारी साधनको चाप बढदो र ट्राफिक जामले दशकअघि निर्माण भएको पूर्वपश्चिम राजमार्गको कैयौँ खण्ड साँघुरो बन्दै गएपछि सरकारले सडक विस्तार योजना अगाडि बढाएको हो । पूर्वपश्चिम राजमार्ग अहिले दुई लेनको मात्र छ ।
मेचीदेखि पश्चिम महाकालीसम्म पूर्वपश्चिम राजमार्गलाई चार लेनमा विस्तार गर्ने सरकारको योजनाअन्तर्गत बाराको पथलैयादेखि सिरहाको कमलासम्मको राजमार्गको सो खण्ड विस्तार गर्न प्रारम्भिक प्रक्रिया अगाडि बढाइसकिएकोभौतिक पूर्वाधार तथा यातायात मन्त्रालयले बताएका छ्न।
राजमार्गको त्यस खण्डको विस्तारका लागि अहिले अध्ययन कार्य अन्तिम चरणमा रहेको बताइएको छ। नयाँ आर्थिक वर्षको साउनदेखि नै राजमार्गको उक्त खण्डको डिजाइनको काम सुरु हुने रडिजाइनकोकाम सम्पन्न भइसकेपछि विस्तारका लागिठेक्कापट्टाको प्रक्रिया अगाडि बढाइने यातायात मन्त्रालयले बताएका छ्न।
सडक विभागका अनुसार राजमार्गको सो खण्डको विस्तारको कुल अनुमानित लागत ४० अर्ब रुपियाँ छ । राजमार्ग विस्तारसँगै सो खण्डमा नयाँ पुल निर्माण, अहिले भएका पुलहरूको स्तरोन्नति तथा विस्तारसमेत गरिने छ । बाराको पथलैयादेखि सिरहाको कमलासम्मको कुल लम्बाइ १३० किलोमिटर रहेको छ
दुई चरणमा राजमार्ग विस्तार
एक हजार २८ किलोमिटर कुल लम्बाइ रहेको सो राजमार्गको विस्तार दुई चरणमा गरिने बताउँदै मन्त्रालयले पहिलो चरणमा बुटवलदेखि पूर्वको खण्ड विस्तार कार्य सुरु भइसकेको छ । बुटवलदेखि पश्चिमको खण्डलाई दोस्रो चरणअन्तर्गत विस्तार गरिने छ ।
सवारी साधनको चाप तथा बढ्दै गएको ट्राफिक जामका आधारमा बुटवलदेखि पूर्वको खण्डलाई पहिलो चरणमा राखी विस्तार कार्य अगाडि बढाइएको छ।
पहिलो चरणअन्तर्गत अहिले बुटवलदेखि नारायणगढसम्मको विस्तार कार्य सुरु भइसकेको छ । प्रधानमन्त्री केपी शर्मा ओलीले २०७५ चैतमा सो राजमार्गको विस्तार कार्यको शिलान्यास गर्नुभएको थियो । एसियाली विकास बैङ्क (एडीबी)को सहयोगमा राजमार्गको उक्त खण्डको विस्तार कार्य सुरु भएको हो ।
राजमार्गको यो खण्डमा ४१ वटा ठूला र २० वटा साना गरी कुल ६१ वटा पुल निर्माण गर्नुपर्ने हुन्छ । यो खण्डमा दुवैतिर सात÷सात मिटरको ‘क्यारिज वे’ र २.५ मिटरको सोल्डर निर्माण गरिने छ । एउटा लेनको चौडाइ ३.५ मिटर बराबरको हुने सडक विभागले जनाएको छ ।
पाँच वर्षभित्र विस्तार सम्पन्न
आगामी पाँच वर्षभित्र पूर्वपश्चिम राजमार्गको सम्पूर्ण खण्डको विस्तार कार्य सम्पन्न गर्ने लक्ष्य सरकारको छ । सचिव कार्कीले भन्नुभयो, “आगामी पाँच वर्षमा पूरै राजमार्ग चार लेनको गरिने छ । ”
त्यसैगरी सो राजमार्ग गाउँ र सहर क्षेत्रमा छ लेन र बाँकी भागमा चार लेनमा विस्तार गरिने बताएको छ।