काठमाडौँ, जेठ १० । साउन एक गते बाट सञ्चयकोषका सञ्चयकर्ताले चाहेको रकम सिधै बैंक खातामा जाने भएको छ भने, एनसीएचएल मार्फत विद्युतीय भुक्तानी पाउने भएको छ।
सञ्चयकोष र नेपाल क्यिरिङ हाउस विच भुक्तानी सम्बन्धी सम्झौता भएपछि यो बाटो खुला भएको छ । यसरी सम्झौता भएपनि अहिले नै कार्यान्वयन हुने छैन । उक्त सञ्चयकोषका मूख्य प्रबन्धक जिवन कटवालले दिएको जानकारी अनुसार विद्युतीय भुक्तानीको कार्यान्वयन साउन एक गतेबाट हुने छ ।
पहिलो चरणमा भुक्तानी मात्र गर्ने भएपनि यसको प्रयोग पछि क्रमशः संकलन पनि विद्युतीय मार्फत नै हुने उनले बताएका छन् । कोष अहिले भुक्तानीको परिक्षणमा छ ।
परिक्षण सफल भएको अवस्थामा सञ्चयकोषबाट रकम संकलनमा पनि एनसिएचएल मार्फत नै गर्ने जनाएको छ । सम्झौता अनुसार कर्मचारी सञ्चयकोषले क्लियरिङ हाउसको एनसिएचएल आइपिएस र कनेक्ट आइपिएसमा पूर्ण रुपमा इन्टिग्रेट गरी भुक्तानी कारोबार स्वचालित रुपमा गर्नेछन् ।
कोषले गर्ने भुक्तानीलाई लाभग्राहीको खातामा सोझै जम्मा गर्न सकिनेछ । सञ्चयकर्ता वा संस्थाले कोषलाई बुझाउने सञ्चयकोष किस्ता आदिको भुक्तानी समेत अनलाइन वा कुनै पनि बैंक खाता मार्फत गर्न सक्ने व्यवस्था गरेका छन्।
कोषमा साढे पाँच लाख सञ्चयकर्ता छन् । यसमा ३० हजार सूंथा आवद्ध छन् । सञ्चयकोषका प्रशासक तुलसी प्रसाद गौतम र एनसीएचएलका प्रमुख कार्यकारी अधिकृत निलेशमान प्रदानले सम्झौता पत्रमा हस्ताक्षर गरेका हुन् ।
