नेदरल्याण्डमा ५५ वर्ष माथिका व्यक्तिको इच्छा मृत्यू हुन्छ किन ?

नेपाल पोस्ट दैनिक

February 2, 2020 मा प्रकाशित

Spread the love

नेदरल्याण्ड १९ माघ । नेदरल्याण्डमा ५५ वर्ष माथिका १० हजार १ सय ५६ इच्छामृत्यु चाहन्छन् । नेदरल्याण्डका स्वास्थ्यमन्त्री र सांसद क्रिस्चियन डेमोक्रेट ह्यूगो डि जोंगले यसबारे शुक्रबार सदनमा जानकारी दिएका हुन् ।

ती दुईले एक रिपोर्टको हवाला दिँदै ती व्यक्तिले आफ्नो जीवनलाई आफैंले समाप्त गर्ने सजिलो उपायमाथि विचार गरिरहेको बारे जानकारी दिए । गम्भीर रुपमा बिरामी भएर मर्नुको साटो उनीहरुले सहज विकल्प खोजेको उक्त रिपोर्टमा बताइएको छ ।

उक्त रिपोर्टलाई भ्यान विजगार्डेन कमिशनले तयार गरेको हो । जोंगका अनुसार यो सरकार र समाजका लागि ठूलो सामाजिक मुद्दा भएको र यो देश, सरकार र समाजका लागि ठिक नभएको बताएका छन् ।

उनले भने, ‘हामीले तत्काल यो ठूलो र गम्भीर सामाजिक मुद्दामा तर्कसंगत निर्णय लिनुपर्छ । कुनै परिस्थितीवश निराश भइसकेका यस्ता व्यक्तिको मद्दत गरेर उनीहरुलाई बाँच्नका लागि प्रेरित गर्नुपर्छ । यसबाहेक, सरकारले ७५ वर्ष माथिका व्यक्तिका लागि इच्छामृत्यु दिनेबारे विचार गर्नुपर्छ ।’

डी ६६ पार्टी र विपक्षकी सांसद पिया डिज्क्स्ट्राले ७५ वर्ष माथिकाले इच्छामृत्युको आवेदन गर्ने सम्बन्धि एक विधेयक पेश गर्ने बताएकी छिन् । उनका अनुसार यसमार्फत् मानिसहरु आफ्नो जीवनको अन्त्य एक गरिमामय तरिकाले गर्न सक्नेछन् । सन् २००१ मा ठूलो संख्यामा इच्छा मृत्यु चाहनेहरुको बढ्दो संख्याका कारण नेदरल्याण्ड सरकारले यसमाथि पूर्ण प्रतिबन्ध लगाएको थियो ।

यस्तो गर्ने यो पहिलो देश थियो ।अर्की एक सांसद कार्ला डिक–फेबरले भनिन्, ‘इच्छा मृत्युका लागि अनुसन्धान गर्नु मानिसहरुको मृत्युप्रति सबैभन्दा डरलाग्दो प्रतिक्रिया हुनेछ । ’

उनले थपिन्, ‘छिमेकी देश बेल्जियममा तीन डाक्टरले मानसिक रुपले विक्षिप्त व्यक्तिका लागि गैर कानूनी तरिकाले इच्छा मृत्यु दिएका थिए ।’

सन् २०१० मा दुई डाक्टरले बिरामीलाई लेथल इन्जेक्सन दिएर मारेको घटना पनि उनीहरुले उठान गरेका थिए । यद्यपि, बेल्जियममा सन् २००२ पछि इच्छा मृत्यु दिने कानून छ । रातोपाटिबाट