शम्भु चौधरी, लहान २२ चैत्र । लहान नगरपालिका २२ मा शनिबार कलस यात्रासंग विष्णु महा यज्ञ शुरु भएको छ । शुरुको दिन कलस यात्रामा हजारौको संख्यामा श्रद्धालुभक्तजनहरुको सहभागी रहेको थियो ।
विष्णु महायज्ञ लहान क्षेत्रमा आयोजना गरिने एक अत्यन्त महत्वपूर्ण धार्मिक अनुष्ठान हो। यो यज्ञ विशेषगरी हिन्दू धर्मावलम्बीहरूका लागि श्रद्धा, भक्ति र सामाजिक एकताको प्रतीक मानिन्छ। विश्व शान्तिको कामना गर्नु, समाजमा सद्भाव र एकता कायम गर्नु, धर्मप्रति आस्था बढाउनु, प्राकृतिक विपत्ति र दुःखबाट मुक्ति प्राप्त गर्ने विश्वास साथ यो यज्ञ भई रहेको कथा वाचक रामकुमार शास्त्री बताए ।
वैदिक मन्त्रोच्चारण, पण्डितहरूद्वारा ऋग्वेद, यजुर्वेद आदिका मन्त्रहरू पाठ, हवन पवित्र अग्निमा घ्यू, जौ, तिल आदि चढाइन्छ। कथा र प्रवचन धार्मिक गुरुहरूले विष्णु भगवानका कथा र जीवन शिक्षाहरू प्रस्तुत, सिाराम नाम जपको भजन–कीर्तन भक्तजनहरूले सामूहिक रूपमा भजन गाएर वातावरणलाई भक्तिमय बनुका साथै, सहभागीहरूलाई प्रसाद बाँडिने यस यज्ञको प्रमुख कार्यक्रम रहेको यज्ञकर्ता भाईरल बाबाले बताए ।
लहान २२ को महाविष्णु यज्ञ केवल धार्मिक कार्यक्रम मात्र नभई सामाजिक मेलमिलापको अवसर पनि हो। यसले विभिन्न जात, वर्ग र समुदायका मानिसहरूलाई एकै ठाउँमा ल्याएर आपसी सद्भाव र सहकार्यलाई बलियो बनाउने यज्ञ कर्ता बाबाले बताए।
यस महाविष्णु यज्ञले नेपाली समाजमा गहिरो धार्मिक र सांस्कृतिक महत्व बोकेको अनुष्ठान हो। यसले मानिसहरूमा आध्यात्मिक चेतना बढाउनुका साथै सामाजिक एकता र शान्तिको सन्देश फैलाउने महत्वपूर्ण भूमिका खेल्दै आएको छ।
