१४ असोज । विश्व समुदाय दिवस प्रत्येक वर्ष विभिन्न मितिमा र फरक देशहरूमा मनाइने सामाजिक सद्भाव, सहकार्य, र शान्तिको सन्देश बोकेको दिवस हो। यो दिवसको उद्देश्य संसारभरका मानिसहरूबीच सहिष्णुता, सहयोग, र एकताको भावना विकास गर्नु हो।
सामाजिक एकता बढाउने जाति, धर्म, भाषा, वा राष्ट्रियताको आधारमा हुने विभेद हटाई सबैलाई एउटै समुदायका सदस्यका रूपमा स्वीकार गर्न प्रोत्साहन दिनु, शान्ति र समावेशी विकासको सन्देश फैलाउने, सामाजिक सेवामा जनताको सहभागिता सुनिश्चित गराउने, अन्तर धार्मिक, अन्तर सांस्कृतिक संवादलाई बढावा दिने यसको मुख्य उद्धेश्य रहेको छ ।
यस अवसरमा विभिन्न समुदाय, स्कूल, संघ(संस्था, र धार्मिक समूहहरूले शान्ति ¥याली र सभाहरू, वृक्षारोपण तथा सरसफाइ अभियान, दीन(दुःखीको सेवा कार्य, अन्तरसंवाद कार्यक्रम र कार्यशाला, सांगीतिक र सांस्कृतिक प्रस्तुति जस्ता कार्यक्रम गर्ने गर्दछ ।
विश्व समुदाय दिवसले हामीलाई सम्झाउँछ कि हामी सबै एउटै मानव परिवारका सदस्य हौं। पारस्परिक सम्मान, सहिष्णुता र सहयोगले मात्र समृद्ध र शान्तिपूर्ण समाज निर्माण गर्न सकिन्छ। यो दिवस मनाउनु भनेको केवल एउटा दिनको उत्सव नभई दीर्घकालीन सकारात्मक सोच र व्यवहारलाई अँगाल्ने प्रतिवद्धता हो।
विश्व समुदाय दिवसको सुरुवात १९३० को दशकमा अमेरिकी चर्च महिला परिषदद्वारा गरिएको थियो। यस दिवसलाई विशेषगरी महिला नेतृत्वमा समर्पित गरी, शान्ति, न्याय, र सेवा भावनाको प्रवर्द्धन गर्न मनाइन्छ। विश्वका विभिन्न देशहरूमा यस दिवसलाई फरक नाम र सन्देशका साथ मनाइए तापनि यसको मूल भावना मानव एकता र सामाजिक सेवा नै हो।
