शम्भु चौधरी लहान २४ वैशाख । विपन्न तथा सिमाँक्रित बालबालिकाहरुका लागि गुणस्तरीय शिक्षा पहुँच वृद्धीका लागि सामावेसी तथा गुणस्तरीय शिक्षा परियोजना शुभारम्भ गोष्टि नवराजपुर गाउँपालिकामा बुधवार सम्पन्न भएको छ ।
बाल मैत्रिक शैक्षिक विधि अपनाउने शिक्षक सँख्या, नियमित विद्यालय आउने नआउने बालबालिका सँख्याको मुख्य उदेश्य राखि सो गोष्टि सम्पन्न भएको हो । गोष्टि दलित जनकल्याण युवा क्लव लहान र नवराजपुर गाउँपालिकाको आयोजनामा सन्चालन भएको थियो । क्लवका अध्यक्ष उमेश कुमार विसुन्केका अनुसार २०५७ सालमा स्थापना भएको यो संस्थाले सम्पुर्ण दलित र महिलाहरुको सहाकार्यमा समाजिक विकासमा सहयोग गर्ने उदेश्यका साथ सुशासन र पारदर्शितालाई मुख्य काम ठानी विभिन्न साझेदारी संस्थाहरुको सहयोगमा १५ देखि २० करोडको कार्यक्रम सञ्चालन गरिरहेको बताए ।
गोष्टिमा विपन्न र सिमाँक्रित समुदायको गुणस्तरिय शिक्षा प्रदान गर्ने विभिन्न प्रकारका जस्तै विद्यालय व्यवस्थापन समितिका भुमिका, शिक्षक अभिभावक संघको भुमिका, अभिभावक र शिक्षकको भुमिका तथा विदयालयमा खानेपानी तथा शौचालय व्यवस्थापन, विद्यालयको भित्रि तथा बाहिरी वातावरण जस्ता विषयहरु प्रस्तुत गरिएको थियो ।
कार्यक्रम नवराजपुर गाउँपलिकाका अध्यक्ष शिव उदगार यादवको अध्यक्षतामा सम्पन्न भएको थियो । अध्यक्ष यादवका अनुसार शिक्षा एउटा मानव जिवनलाई सार्थक बनाउने अत्ति आवश्यक चिज हो । अहिले पनि आम जनसमुदाय शिक्षाबाट वञ्चित छ । अहिले शिक्षा र पहिलेको शिक्षामा धेरै अन्तर भएको बताए ।
