थारू सामुदायिक सेवा सदनको नगर प्रमुख चौधरीद्धरा शिलान्यास

शम्भु चौधरी लहान ८ कार्तिक । थारू सामुदायिक सेवा केन्द्र, लहानद्वारा निर्माण गरिने थारू सामुदायिक सेवा सदनको लहान नगरपालिकाको नगर प्रमुख महेश प्रसाद चौधरीद्वारा शिल्यानास कार्यक्रम सम्मपन्न भयो ।
प्रमुख अतिथि चौधरीद्वारा शिल्यानासको शिला लेखलाई अनावरण गरेर कार्यक्रमको समुद्घाटन गर्नु भएको थियो।
निर्माण समितिको सदस्यद्वय बद्रीनारायण चौधरी एवं अजयकुमार चौधरीले आ आफ्ना तरिकाले सेवा सदन कस्तो हुने र कसरी निर्माण गरिनेछ बारेमा सविस्तार कार्यक्रममा उपस्थित सबैलाई जानकारी गराउनु भएका थियो ।
कार्यक्रममा समस्त थारू समुदायको, आशा, अपेक्षा एवं विश्वासको केन्द्र, समाजसेवी,सकारात्मक सोचको धनी एवं संवेदनशीलताले परिपूर्ण प्रमुख अतिथि चौधरीले आज म थारू सामुदायिक सेवा केन्द्र, लहानद्वारा निर्माण गरिने ूथारू सामुदायिक सेवा सदनूको भूमिपुजन तथा शिल्यानास गरेँ र म नै यो सेवा सदनको समुद्घाटन गर्नेछु प्रतिबद्धता व्यक्त गर्दै उदघोषण गर्नु भयो ।

लहान नगरपालिकाका ८ जना थारू वडा अध्यक्षहरूको प्रतिनिधित्व गर्दै वडा २० को अध्यक्ष गणेशप्रसाद चौधरीले मन्तव्य दिने क्रममा हामी आठै जना वडा अध्यक्षहरूले रू ५० हजार को दरले रकम सेवा सदनलाई प्रदान गर्ने प्रतिवद्धता गर्नु भयो ।
कार्यक्रममा थारू कल्याणकारिणी सभा, सिरहा जिल्ला कार्यसमिति, लहानको सभापति सत्यनारायण चौधरी, लहान नगरपालिकाका थारू वडा अध्यक्षहरू, थारू भसा साहित्य केन्द्र, नेपालको उपाध्यक्ष बुद्धसेन चौधरी, आदिबासी थारू कानुन न्याय तथा मानव अधिकार समाज, केन्द्रीय समितिको उपाध्यक्ष भागवतप्रसाद चौधरी, सेवा केन्द्रको संस्थापक अध्यक्ष शम्भुलाल चौधरीले आ(आफ्ना शुभकामना मन्तव्य दिनु भएका थिए।

कार्यक्रमको सभापति तथा सेवा केन्द्रको अध्यक्ष रामस्वरूप चौधरीले प्रमुख अतिथि महेशप्रसाद चौधरी प्रति हार्दिक आभार व्यक्त गर्दै हार्दिक धन्यवाद समेत दिनु भयो ।
हाल सेवा सदनमा ४३ जना आजीवन सदस्य, ५ जना सम्मानित सदस्य तथा १३ जना संरक्षक सदस्यहरू रहेकाछन ।
थारू सामुदायिक सेवा केन्द्र, लहानको अध्यक्ष रामस्वरूप चौधरीको अध्यक्षतामा कार्यक्रम सम्पन्न भएकाृ थियो ।